Accessibility links

чәршәмбе, 7 декабрь 2016, Казан вакыты 00:55

AQŞ prezidentı George Bush Tailandta Qıtay prezidentı Hu Jintao belän oçrtaştı


İke prezident iqtisadıy mäs'älälär turında, şul isäptän Qıtay aqçası yuannı almaştıru kursı turında söyläşte dielä. Yuan irekle almaştırılmıy. Quşma Ştatlar äytüençä, yuan kursın irekle itmäw säbäple yuan üzeneñ çın qimmätennän azraq bäyälänä häm xalıqara säwdä eşlärendä Qıtayğa ğädelsez östenleklär birä. Bush belän oçraşudan soñ Hu jurnalistlarğa iqtisadıy mäs'älälär, şul isäptän aqça almaşıtu kursı mäs'äläse dialog aşa çişeläçäk dide. Bush Bankkokka bügen kilde. İrtägä ul Tın Okean illäre citäkçeläreneñ biredä açılaçaq oçraşuında qatnaşaçaq. Anda Bush terrorğa qarşı suğışta nığraq xezmättäşlekkä çaqırır dip kötelä. Huğa qädär Bush Tailand premyer-ministrı Thaksin Shinawatra belän oçraştı. İke citäkçe Birmadağı xällär turında söyläşte. Birmada xärbi xakimiät oppozitsiä citäkçese Auñ San Suu Kyinı haman da öy sağı astında tota.

XS
SM
MD
LG