İstanbulda taralırğa digän färmanğa buysınmawçı 300-läp demonstratsiäçegä qarşı politsiä rezin tayaqlar häm yäş gazı qullandı. Berniçä keşeneñ totqarlanuı turında xäbär itelä.
Kayseri şähärendä şundıy uq demonstratsiädä politsiä 8 keşene totqarlağan.
Ğiraqqa ğäskär cibärü niätlärenä qarşı demonstratsiä başqala Ankarada da ütte.
Quşma Ştatlar sorawı belän Törkiä parlamentı Ğiraqtağı wäzğiätne totrıqlılandıru öçen ğäskär cibärüne xuplağan ide.
Ämma Ğiraqta AQŞ bilgeläp quyğan Ğiraq İdarä Şurasınıñ qayber äğzaları Törkiäneñ yäşeren niätläre dä bar dip moña qarşı çıqtı.
Kiçä törkiä premyer-ministrı Recep Tayyip Erdogan ägär Ğiraqlılar Törkiä ğäskärläre kerügä qarşı çığa ikän, xökümät üz niätennän kire qaytırğa da mömkin dide.