Accessibility links

шимбә, 3 декабрь 2016, Казан вакыты 03:29

Törkiäneñ Ğiraqtağı ilçese Osman Paksut Ğiraqlılarnıñ Törkiä ğäskärläre kertü mömkinlegenä qarşı çığuı Ankaranı uylanırğa mäcbür itä dide.


Paksut Azatlıq radiosı xäbärçesenä Ankaranıñ Ğiraqta yäşeren niätläre yuq, häm Ğiraqlılarnıñ Törkiä ğäskärläre kertü mömkinlegenä qarşı çığuı Ğiraqnı tözekländerüne qıyınlaştıraçaq qına dide:

AUDİO: Bez okkupatsion köç bularaq kilmäyäçäkbez. Bez monıñ öçen Ğiraq İdarä Şurasınnan açıqtan-açıq çaqıruğa ömetläner idek. Häm çınnan da, terror höcüme tügel, ä alarnıñ mönäsäbäte bezne ikelänergä mäcbür itä. İdarä Şurasınıñ mönäsäbäte çınnan da bezne uylanırğa mäcbür itä.

Küptän tügel Törkiä parlamentı xökümätneñ, AQŞ citäkçelegendäge totrıqlandıru köçlärenä yardämgä, ğäskär cibärü niätlären xuplağan ide. Şunnan soñ ber atna ütkäç intixar terrorçı Bağdadtağı Törkiä ilçelege qarşında bomba şartlatıp üz-üzen üterde häm 6 keşene yaraladı. Ğiraq İdarä Şurası äğzaları Ğiraqtağı AQŞ köçlären almaştırırğa Möselman däwlätlärennän ğäskär kiterelüen telämäwläre turında belderde. Uzğan atna axırında Törkiä premyer-ministrı Recep Tayyip Erdogan ägär dä Ğiraqlılar qarşı çığa ikän, Ankara ğäslär cibärü niätennän kire qaytırğa mömkin dide.

XS
SM
MD
LG