Accessibility links

чәршәмбе, 7 декабрь 2016, Казан вакыты 17:41

Tähran uran bayıtu eşlären tuqtatırğa häm üzeneñ atom programmaların tikşerü mömkinlege birergä wäğdä itä


Irannıñ Yuğarı Däwlät İminlek Şurası sekretare Xäsän Rowşani Tähran uran bayıtu eşlären tuqtataçaq häm üzeneñ atom programmaların tikşerü mömkinlege biräçäk dide. Monı ul Tähranda Britaniä, Fransiä häm Germaniä räsmiläre belän oçraşqannan soñ äytte. Rowşani İran Atom qoralların taratmaw turındağı kileşüneñ ul tikşerülärgä yul açuçı östämä protokolın imzalayaçaq dide. Fransiä tışqı eşlär ministrı Domenique de Villepin Tährannıñ bu protokolnı imzalarğa rizalaşuın bik möhim kön dip bäyäläde. Villepin, Britaniä tışqı eşlär ministrı Jack Straw, häm Germaniä tışqı eşlär ministrı Joschka Fischer İranğa Tährannı 31-nçe ütkäbrgä qädär ildäge atom programmaları turındağı şikle mäs'älälärgä açıqlıq kertergä ügetläw öçen kilde. Xalıqara Atom Energiäse Oyışması İrannan üktäbr axırına qädär ildä atom qoralı yasalmawın dälilläwne taläp itä. Quşma Ştatlar İrannı yäşeren räweştä atom qoralı yasarğa cıyınuda ğäyepli.

XS
SM
MD
LG