Accessibility links

Кайнар хәбәр

Rusiä respublikalarına möstäqillek kiräkme?


Oktäberneñ bu könnäre törle ictimaği-säyäsi waqiğalar belän bäyle. Tağı ike könnän NORD-OST faciğäseneñ başlanuına ber yıl tula. Şuşı waqiğa xalıqnıñ mönäsäbäte Tatarstan TV aşa kürsätelü zur cancal uyattı. Ä menä 22nçe oktäberdä, çärşämbe könne, Mari respublikasınıñ zur bäyräme bulırğa mömkin ide. 1990nçı yılda, näq menä şuşı könne mari respublikasınıñ parlamentı möstäqillik turıda Deklaratsiä qabul itte. Ämma, İdel buyındağı şuşı keçkenä respublikanıñ suverenlığı ozaqqa barmadı. Anda 3 tapqır prezident alışındı, moña qädär bersennän dä uñmadılar. Soñğı yıllarda xakimiät vertikale kütärelgäç, Mari respublikası üz teläge belän Mäskäw belän şartnamäne yuqqa çığardı. Läkin Mari xalqınıñ mänfäğätläre, üz mädäniäten saqlarğa omtıluı häm respublikanıñ 1990nçı yılnıñ 22nçe oktäberendä möstäqillek deklaratsiäsen qabul itüe barıber tarixta qalaçaq. Soñğı yıllarda mari respublikasında tatar milli-mädäni üseşe däwam itä. Bäräñge rayonında tatar mädäniäte könnäre Qazan sänğätkärläre belän bergä ütkärelä. Morki, Medvedev rayonında da millättäşlärebez xätsez genä. Uzğan cäydä milli Sabantuyı Bäräñge rayonında ğına tügel, Yoşkar-Olada da ütkärelde. Şunısı beraz moñsu – mari respublikasınıñ möstäqillek deklaratsiäsen iskä aluçılar az bulğandır. Härxäldä qazanğa bu waqiğa turında xäbärlär kilep citmäde. Üz ixtıyarın, üz telägen beldermägän, yaqlamağan oçraqta, xalıqlar da, töbäklär dä onıtılırğa mömkin.

Gölnaz İlgizär

XS
SM
MD
LG