Xökümät wäkile Abdulla Ramazan-zadä dokumentlar bügen kiç tapşırılaçaq dide.
Bu dokumentlarnıñ tapşırıluı Atom İdaräseneñ töp taläbe. İdarä Tährannıñ atom programmalarına bäyle şikle mäs'älälärne 31-nçe üktäberdän soñğa qalmıy açıqlawnı taläp itä.
Atom İdaräsendäge İran wäkile Ali Akbar Salehi İran tapşıraçaq dokumentlar Tährannıñ soñğı 30 yıldağı atom programmaların üz eçenä ala dide.
Kiçä İran uran bayıtu eşçänlegen tuqtataçağı häm üzeneñ atom qorılmaların tikşerü mömkinlege biräçäge turında belderde.
Bügen İran prezidentı Möxämmät Xatami bu qarar parlamentta raslanırğa tieş dide. Rusiä, Quşma Ştatlar, İtaliä, Yaponiä, Britaniä, Fransiä, Germaniä häm Berläşkän Millätlär Oyışması citäkçeläre häm yuğarı räsmiläre İrannıñ bu qararı uñayınnan optimizm belderlde.
