Accessibility links

Кайнар хәбәр

Rusiäneñ Krasnodar ölkäse gubernatorı Aleksandr Tkaçev Kerç buğasında damba tözüne tuqtatıp torırğa quştı


Rusiä buğaznıñ Krasnodar yarınnan Ukrainanıñ Tuzla utrawına taba damba tözi. Monı ul Rusiä ciren erroziädän saqlaw zarurlığı belän añlata. Ukraina isä Rusiä tözeleşne röxsätsez başladı, bu damba Ukrainağa ekologik zıyan kiteräçäk häm Ukrainanıñ däwlät çigen bozarğa mömkin dip täqrarlıy. Tkaçev Tuzla utrawı çınlıqta Ukrainanıqı tügel ä Rusiäneke dide häm Ukrainanıñ qarşılığın sirk dip atadı. Bügen Kievta Ukraina parlamentı bu mäs'äläne qarap prezident Kuçmanı mömkin bulğan barlıq çaralar belän ilneñ territorial berbötenlegen saqlarğa çaqıruçı rezolütsiä qabul itte. Kuçma bügen Latin Amerikası säfären özep ilgä qayttı häm Tuzlağa barıp andağı wäzğiät belän tanıştı. İrtägä bu tözeleş turında Mäskäwdä Rusiä premyer-ministrı Mixail Kasyanov belän Ukraina premyer-ministrı Viktor Yanukoviç söyläşäçäk.
XS
SM
MD
LG