Accessibility links

сишәмбе, 6 декабрь 2016, Казан вакыты 11:09

Avi Panzer: "Gaza sızığı – terror üzäge"


İsrael xökümäte süzçese Avi Panzer, Gaza sızığın "İsraelgä qarşı xäräkät itkän islam terrorçılığınıñ üzäge" dip atadı. Uzğan töndä yäxüdlärneñ Netzarim bistäsenä xöcüm yasaldı. İke Fälestinle bistä tiräsendäge qoymanı ütep kerep, xärbilär yäşägän yortlarğa ut açqan. Öç İsrael xärbie ülgän, ikese yaralanğan. Xöcümçelärneñ bersen xärbilär atıp ütergän, ikençese qaçqan. Bü xöcüm öçen cawaplılıqnı Hamas belän İslam Cihadı törkemnäre üz östenä aldı.

Şuşı atnada İsrael oçqıçları Gaza sızığında ber-ber artlı berniçä xöcüm yasağan ide. Näticädä 11 Fälestinle xäläk buldı, şul isäptän suğışçılar da, tınıç xalıq ta.

Äle genä kilgän xäbärlärgä qarağanda bügen İsrael xärbiläre Gaza sızığında ut açıp, 11 yäşlek ber Fälestin malayın ütergän.

XS
SM
MD
LG