Accessibility links

дүшәмбе, 5 декабрь 2016, Казан вакыты 15:39

Gaza sızığınıñ könyağında İzrail' xärbiläre kimendä 2 fälestinlene üterde


İzrail'neñ kiñküläm mäğlümät çaraları xäbär itüenä qarağanda fälestinlelärneñ berse İzrail'lelärneñ Guş Katif bistäsenä ütep kerergä mataşqanda atıp üterelgän. Şul uq waqıtta diärlek älege urınnan berniçä çaqrımda xärbilär İzrail' saq noqtasına taba şuışıp baruçı 4 suğışçığa ut açıp alarnıñ bersen ütergän, ikesen yaralağan. Bügen Gaza Sızığınnan oçırılğan quldan yasalğan fälestin raketası İzrail'neñ Sderot şähäre yanına töşkän. Yaralanuçıl buluı turında xäbär itelmi. Bügen irtän Gaza Sızığında İzrail' xärbiläre 2 meñläp fälestinlene evakuatsiäläp anda 3 biek toraq yortnı cimerde. İzrail' iminlek köçläre bu yortlarnı cimerüneñ säbäben añlatıp, ul yortlarnı suğışçan köçlär elekke höcümnären planlaştıru öçen faydalanğan bulğan dide.

XS
SM
MD
LG