Accessibility links

шимбә, 3 декабрь 2016, Казан вакыты 05:31

Paqstanda äl-Qaidä äğzası buluda şiklänelüçe 230-dan artıq keşe qulğa alındı


Paqstannıñ räsmi kiñküläm mäğlümät çaraları äytüençä general Ali Möxämmätcan Aurakzai iminlek köçläre bu ayda Pastannıñ tönyaq-könbatışında äl-Qaidä äğzası buluda şiklänelgän 230-dan artıq keşene qulğa aldı dip belderde. Aurakzai äytüençä, bu keşelärneñ barısı da bu ayda başlanğan operatsiä barışında totıldı dide. Bu operatsiä barışında äl-Qaidä äğzası buluda şiklänelgän 10 keşe häm Paqstan xärbiläre yağınnan 10 keşe hälak bulğan. Bu operatsiä Äfğänstan çigenä yaqın urnaşqan Angur Ada şähärendä häm şähär tirälärendä bulğan. Angur Ada Äfğänstannıñ Barmal şähärennän 15-läp çaqrım yıraqlıqta. Barmal äle dä Taliban köçläre qulında dip xäbär itelä. AQŞ köçläreneñ äl-Qaidä yäki Taliban qaldıqların yuq itüenä yış qına qaçaqlarnıñ çik aşa Paqstanğa qaçıp kitüe qomaçawlıy.

XS
SM
MD
LG