Accessibility links

пәнҗешәмбе, 8 декабрь 2016, Казан вакыты 12:48

Waşington Xodorkovskiynıñ qulğa alınuına borçılu belderä


Quşma Ştatlarnıñ Rusiädäge ilçese Aleksandr Vershbow AQŞ Rusiäneñ Lukoil neft' şirkäte citäkçese Mixail Xodorkovskiynıñ qulğa alınuınnan soñ bu şirkät tiräsendäge nizağqa borçılu belän qarıy dide. Vershbow Xodorkovskiy qulğa alınğannan soñ Waşington Rusiädä qanun saylap alınğan oçraqlarda ğına qullanıla digän şik belän qarıy dide. Xodorkovskiyğa aldaw ısulı belän eşmäkärlek itü häm salımnardan qaçu turında barlığı 7 ğäyepläpw belderelep ul Mäskäw törmäsenä yabıldı. Rusiäneñ yäşeren xezmätläre anı Novosibirski hawa alanında totqan. Şahitlär äytüençä, Xodorkovskiynıñ başına qapçıq kiderep anı çirgä yıqqannar häm qat-qat tipkälägännär. Prokuratura äytüençä, ul räsmi çaqırtularğa belä torıp cawap birmägän bulğan. Yukos şirkäte Xodorkovskiyğa qarşı tikşerüne absurd dip atadı häm monıñ artında säyäsät yata dip belderde.

XS
SM
MD
LG