Accessibility links

шимбә, 10 декабрь 2016, Казан вакыты 08:14

Udmurtiädä çığıp kilüçe tatar basması «Yañarış» xäbärçelären kiñäşmägä cıydı


Udmurtiädä tatar telendä basma «Yañarış» gazetasınıñ çığa başlawına un yıldan artıq. Berençe yıllarda gazeta bitlärendä anıñ xezmätkärläre genä xäbärlär cıyıp, bastırsa, mäqälälärneñ dä küp öleşe jurnalistlarnäqä bulsa, soñraq, gazetanı uquçılar da üz fikerlären belderep, yazmaların redaksiägä yullıy başladı. Qayseberäwläre basmanıñ aktiv xäbärçälärenä äwerelde. Redaksiä şuşındıy aktiv xäbärçelär öçen seminarlar, oçraşular oyıştırunı da ğädätkä kertte. Çirattağı şuşındıy oçraşuğa respublikanıñ törle töbäklärennän, Tatarstannıñ Ägercä, Başqortstannıñ Yañawıl, Perm ölkäseneñ Çaykovskiy şähärennän dä kilgännär ide. A

ktiv xäbärçelärgä kürsätmälärdän tış, yıl däwamında gazeta çığaruğa kertkän öleşläre öçen räxmät suzläre, buläklär tapşırıldı. Kiläse yartı yılğa gazetada nindi temalar kütärergä kiräklege turında süz bardı. Ä buğenge kön tärtibendä, «Yañarışqa» kiläse yılğa yazılunı aktivlaştırırğa kiräklegenä basım yasaldı. «Azatlıq» radiosın tıñlawçılarına xäbär itkän idek, Udmurtiädä basıluçı «Yañarış» gazetasın Tatarstannıñ Ägercä, Başqortstannıñ Yanawıl rayonnarında, Perm ölkäseneñ Çaykovskiy şähärlärendä yazdırıp alalar, anda basmanıñ aktiv xäbärçeläre dä bar. «Yañarışnı» kiläse yılda tağın da kübräk täbäklärdä yazdıru mömkin bulaçaq. Gazetanıñ ştattan tış xäbärçäläre belän genä qanäğätlnmiçä, üzeneñ maxsus xäbärçälären dä buldırunı qayğırtqan redaksiä. Şuşındıy xäbärçe älegä qädär Ägercä töbägendä bar ide, xäzer Başqortstannan da daimi bu yaqlarda yäşäwçelär tormışındağı waqiğalar gazeta bitendä yış bulır dip ömetlänälär.

Xämidä Ğayfullina, Udmurtiä

XS
SM
MD
LG