Accessibility links

пәнҗешәмбе, 8 декабрь 2016, Казан вакыты 19:16

Färit Möxämmätşin: Latin imlası mäs’äläsenä bez äle yañadan qaytaçaqbız


Uzğan atna axırında Rusiä Däwlät Duması räise Gennadiy Seleznevnıñ Qazanğa kilüe turında xäbär itkän idek. Ul ber kön eçendä rus mädäniäte, tarixı belän bäyle Gavriil Derjavin muzeyında, yaña tözelgän sport qorılmalarında buldı, deputatlar belän oçraştı. Seleznev ta duma saylawlarına äzerlänä, şuña kürä ul räsmi xakimiät turında üzeneñ qaraşların belderep, üze oyıştırğan Rusiä terelüe firkäseneñ abruyın kütärergä tırıştı. Bezneñ öçen qızıqlısı – Gennadiy Seleznevnıñ tatarlarnıñ latinğa küçüenä kirtä quyuçı qanun turında fikere. Ul qanunnı yaqlıy, Rusiäne şul yul belän saqlarğa mömkin dip sanıy. Bu turıda Däwlät Sovetı räise Färit Möxämmätşin qapma-qarşı fikeren beldergän. Ul Tatarstan häm tatar xalqı älifba mäs’äläsen üze xäl itärgä tieş häm kiläçäktä anı beraz üzgärtep yañadan kütärep çığaçaqların äytkän.

İnde şimbädän başlap Tatarstan prezidentı saylaw aldı yalına çıqtı. Saylawğa qädär waqıtta prezident törle töbäklärgä barıp, dönya belän tanışıp, Tatarstannıñ soñğı ike yıl eçendä başqarğan eşlären qayber töbäklär çağıştırıp, kiläçäk turında fiker tuplayaçaq ikän. Berdäm Rusiä firqäsenä saylawçılarnı cälep itü öçen Şäymievnıñ qaraşları da möhim bulırğa tieş. Şimbä könne ul çınnan da Kreml'dä tügel, ä qayber ictimaği urınnarda ütkärde. Tatarstan Diniä näzarätendä möfti Ğosman İsxaqi häm başqa dip eşlekleläre belän oçraşu öçen säbäbe dä bar - izge Ramazan ayı başlandı.

XS
SM
MD
LG