Accessibility links

шимбә, 3 декабрь 2016, Казан вакыты 03:21

Sergey Veremeyenko Mäskäwdä matbuğat oçraşuı uzdırdı


Bügen “İzwestiä” ğäzetäsı binasında, Başqortstan prezidentına nämzät bulğan, läkin Başqortostannıñ Üzäk saylaw qomissiäse tarafınnan saylawlarda qatnaşırğa röxsät ala almağan Sergey Veremeyenko matbuğat konferensiäse ütkärde. Matbuğat konferensiäsendä barlıq üzäk telewidenie qanalları. Ort, NTV, Ren-tv häm başqalar, şulay uq küp kenä curnalistlar qatnaştı. Kilgän curnalistlarğa Başqortostan üzäk saylaw qomissiäseneñ Veremeyenkonı terkäwdän baş tartuı xaqındağı qararı da, häm anı ni öçen terkämäwläre xaqında täfsille yazılğan İğorc İzmestevnıñ ğärizäsı da taratıldı. İzmestev bügenge köndä Federäsiä şurasında Başqortostan wäkile häm ul Başqortostan prezidentına nämzät bularaq ta bilgele. Veremeyenkoğa kürsätelgän töp gäyep dip, anıñ xaqında basılğan, ya bulmasa telewideniädän söylängän, anıñ belän bulğan ğäzetäda basılğan äñgämälär öçen tüläw, saylaw fondında kürsätelgängä qarağanda biş prosentqa artığraq buluı kürsätelgän. Weremeyenqo bu qarar belän riza bulmawın belderde häm mine bu eştän çitläşterer öçen bernindi nigez dä yuq, dide. Häm ul Başqortostandağı bügenge xällärgä tuqtalıp, minem yartı yulda köräşne taşlap qaldırırğa bernindi xaqım yuq. Çönki miña meñnärçä keşe ışanıç belderde. Bügenge köndä minem reyteng xäzerge prezident Räximov reytenğına qarağanda da yuğarıraq dide ul. “Sez üzegez saylanmağan oçraqta, kemne yaqlar idegez?” digän sorawğa Veresmeyenko: “Min üzem prezident bulaçaqmın!” dip cawap birde. Şul uq waqıtta ul oppozisiä belän dä tığız bäyläneştä eşläwen belderde. Ralif Safin belän dä söyläşep torabız, Başqortostanda añar da ağitasiä eşlären alıp barırğa mömkinlek birmilär dide. Bez barlıq partiälär belän dä tığız bäyläneştä torabız. Yedinäya Rossiä partiäsennän min üzemne kürsätmädem, çönki prezident saylawlarında ciñäçägemä ışanam, dide ul. Raximov kürsätkän,dimäk ul ciñäçägenä ışanmıy, dide Weremeyenqo. Partiälär turında süz kitkäç, Veremeyenqo, minem saylaw aldı ştabında barlıq partiälär dä eşli, Yedinäya Rossiä partiäse genä tügel dide. Ä inde Banğoqta Putin belän oçraşuları xaqında Weremeyenqo, min anda Rusiä biznesın tägdim itüçe bularaq qatnaştım. “Aziä- Tın oqean” töbäge bezneñ öçen zur biznes çığanağı. Anda Rusiä prezidentı belän Başqortostanda prezident saylawları xaqında süz bulmadı, dide. “ Alğa taba niçek xäräkät itäçäksez?” digän sorawğa Sergey Veremeyenko: “ Başta başqortostannıñ yuğarı mäxkämäsenä möräcäğät itäçäkbez. Alar 10 kön eçendä bu mäslägä qarata qarar çığarırğa tieşlär. Uñay qarar bulmasa, Rusiäneñ Yuğarı mäxkämäsenä möräcäğät itäçäkbez. Anda da qarar un köndä çığarılırğa tieş dide. Şulay itep, Veremeyenqonıñ bu bäygedä ciñep çığaçağına bernindi dä şige yuqlığın belderde.

Römzit Abulyaev - Näzifä Kärimova, Ufa - Mäskäw

XS
SM
MD
LG