Accessibility links

шимбә, 3 декабрь 2016, Казан вакыты 07:52

Tatarnıñ yarışta da saylawda da üz urını


Tatar balası Binyämin Capayev - SSSRnıñ 1989-yılğı – soñğı çempionı, BDB illäre arasında uzdırılğan berdän ber yarışnıñ ciñüçese, 9 märtäbä Räsäy çempionı. Bıyılğı yarışnıñ dürtençe etabında uq Binyämin çempion isemenä layık bulğan ide inde. Şunlıqtan 26-üktäberdä uzğan final yarışında avtokuuçılar ikençe häm öçençe urınnar, yäğni kömeş häm bronza medalläre öçen genä köräştelär. Şunısı iğtibarğa layık: avtoyarıyşlarnı oyıştıruçılar Tatarstanda avtomobil' sportına qaraşnı yuğarı. Radik häm Ayrat Şäymievlärneñ Yevropa çempionatıyndağı uñışların, Röstäm Minnexanovnıñ da Rusiä çempionı buluın – şuña dälil itep kürsättelär.

İñ zur büläk – altın midal häm ör yaña soñğı markalı UAZ avtomobile bıyıl da Binyämin Capayevqa tapşırıldı.

Bıyıl avtoyarıyş saylaw aldı kampaniäse bulıp ta xezmät itte. Maşinalar yabıştırılğan öndäwlär, ber kandidatnıñ tanılğan sportçı Capayev belän töşkän fotosuräten taratu kebek ğamällär...

Saylawlar yäqınayıp kilä. Ä tatar balası qaya barıp bärelergä belmiçä, törle yaqlarğa taşlana: törle firqälärgä ömet bağlıymı, ällä kar'yera yawlıymı inde...

Marsel' Gabitov – “Rusiäneñ tınıçlıq firqäsen” citäkli. Färit Xäyrullin – sotsial-demokratlarnı. Räsmi möftiät idaräse räise İldar Safiullin – Tälğät Tacetdin häm Aleksandr Duğinlı “Yevraziä”ne. Fäiz qızı Emma Jernokleeva – “İrek häm xalıq xaqimiäte” firqäsen.“Tormış” firqäse räistäşläre arasında – Sufiä İbrahimova...

“Tuğan tel” räise Mäxmüt Xäyrullin äytüençä, “Rusiäneñ çın patriotları” firqäse kandidatları isemlegendä Ul'yannıñ öç tatar keşese partiä isemlegenä kertelgän. Bu firqäneñ İslam partiäse nigezendä tözelgänen, isem üzgärtü dini firqalärne tıyu näticäse genä ikänen iskä alsañ, anıñ belän xezmättäşlekneñ mantıyğı da bar sıman. Läkin anıñ 5 protsent tawış cıya aluına ömetlänü qıyın inde.

XS
SM
MD
LG