“Юкос” kompaniäse prezidentı Mixail Xodorkovskiyğa qarata cinäyät eşe quzğatıluğa häm anı qulğa aluğa Tatarstanda säyäsätçelär reaksiä beldermädelär. Bu añlaşıla da. Rusiä prezidentı üz pozitsiäsen açıqladı. Bu eşne barı tik mäxkämä genä xäl itäçäk ber kemneñ dä qatnaşırğa xaqı yuq. Şuña kürä “Единая Россия” firqäse isemlekläre başında toruçı respublika citäkçeläre Rusiä prezidentı süzennän çığa almıylar. Ä bit Tatarstan iktisadınıñ totqası neft'.
Citäkçese qulğa alınğaç“Юкос”nıñ neft' kompaniäse bularaq aksiäläre Mäskäw birjasında 20 protsenqa töşkäç Tatneft' aksiäläre dä urınında qala almadı. Ber çığanaqlar 27nçe oktäber könne Tatneft'neñ zäñgär fişkaları 13 protsentqa töştelär dip xäbär itälär, ä ikençeläre Tatneft'neñ RTS TATN aksiäläre 17,49 protsentqa töşkännär dip xäbär ittelär. Ä xalıq Berezovskiy, Gusinskiy, Xodorkovskiy kebek baylarğa qarata cinayät eşläre quzğatuğa nindi mönäsäbättä soñ? Menä bügen küpçelek xalıqnıñ telendäge ber fiker.
Şulay itep xalıq bolğançıq çorda sabın kübegedäy qabarıp bayığan baylarnıñ xökem itelüenä salqın qarıy. Alarnıñ çerep bayuınnan da ber köndä bölgenlekkä töşüennän dä fayda kürmi.Yunıs Ätnäle.
