Accessibility links

Кайнар хәбәр

Ğiranıñ Falluca şähärendä bomba şartlawdan 4 keşe ülde


Ğiraqnıñ Falluca şähäre politsiäse äytüençä, politsiä üzäge yanında maşinağa quyılğan bomba şartlaw näticäsendä kimendä 4 keşe hälak bulğan. Könyaqtağı Basra şähärendä yulğa quyılğan bomba şartlawdan 3 keşe yaralanğan. Britan xärbiläre äytüençä, Basrada bügen 2 şartlaw bulğan. İkençe şartlawdan yaralanuçılar turında xäbär yuq. Bügen Ğiraqtağı AQŞ idaräse wäkile yäkşämbe kiçendä Bağdad merı urınbasarı Faris äl-Assamnı üz öye yanında maşinada uzıp baruçılar atıp ütergän dide. Üterüçelär qaçıp kitkän. Faris Bağdadtağı kommunal xezmätlär, elektr häm su tä'minäte öçen cawaplı bulğan. Xalıqara Qızıl Xaç Komitetı wäkile Nada Dumani Ğiraqtan oyışma xezmätkärlären çığaru turında qarar äle qabul itelmäde dide. Kiçä oyışmanıñ Bağdadtağı idaräse qarşında köçle bomba şartlatılğan ide.

AUDİO: Bez älegä xezmätkärlärebezne çığaru turında qarar qabul itmädek. Mimençä andıy qarar öçen beraz waqıt kiräk bulaçaq. Bu bik qıyın qarar häm ülçäp uylaw kiräk. Härxäldä, älegä barlıq xezmätkärlärne çığaru turında süz barmıy.

Oyışma wäkile Florian Westphal 30-40-lap xalıqara xezmätkärneñ häm berniçä yöz cirle xezmätkärneñ iminlege mäs'äläsen çişkändä Ğiraq xalqınıñ ixtiacların da istä totarğa kiräk dide.
XS
SM
MD
LG