Bügenge yäşlär ni öçen kitapxanägä kilä? Kitap küñel açumı, ällä mäğlümat tabu çarasımı? Menä şundıy sorawlar turında regionnardan cıyılğan kitapxanä citäkçeläre, Qazan mädäniät häm sänğät universitetı studentları, yazuçılar, jurnalistlar, häm inde bu konferensiäne oyıştıruçı TR mädäniät ministrlığı häm dä Respublikanıñ Yäşüsmerlär kitapxanäçe xezmätkärläre region-ara fänni-ğämäli konferensiädä cıyılıp söyläştelär. Konferensiädä Mäskäwdän, Volgogradtan, Saratovtan, Mari-Eldan , Kirov ölkäsennän,Samaradan, Sıyktıyvkar, Çabaqsardan, Çiläbedän kilgän mädäniät xezmätkärläre häm kitapxanäçeläre häm şulay uq Tatarstannıñ Üzäkläşterelgän kitapxanä sisteması citäkçeläre dä qatnaştı. Bu konferensiä Tatarstan respublikası yäşüsmerlär kitapxanäseneñ 25 yıllıq yubileyena da bağışlanğan ide. Kitapxanä yäşüsmerlär belän eşläwdän tış, Rusiädä yäşägän tatarlar belän dä tığız eşli.Bolar turında Respublika yäşüsmerlär kitapxanä direktorı Rita Ziganşina menä närsälär söyli.
Kitapxanäneñ Täzkirä Yözlekäyeva citäklägän töbäkne öyränü bülegenä bik küp yäşlär yöri. Alar yazuçılar, şağirlär, kompozitorlar, ğomumän icat keşeläre belän törle icat kiçäläre ütkärälär.
Bügenge köndä tatar kitapları citmäw zur mäs'älä bulıp tora. Ä Tatarstanda bu problema xäl itelgän. Тörle rayonnardan kilgän kitapxanäçelär äytüençä ber keşegä 5-7 kitap turı kilä. Rusiä regionnarın ,älbättä Tatarstan belän çağıştırırlıq tügel. Anda kitaplar bik az. Mäsälän Mari-Elda,Ul'yanovskiyda 10 keşegä 2 kitap turı kilә. Bu bik ayanıç xäl.Azatlıq radiosı öçen Qazannan Mälikä Basıyr.
