Accessibility links

сишәмбе, 6 декабрь 2016, Казан вакыты 05:56

G.Bushnıñ Ğıraq turındağı press-konferensiäse


Bagdad häm Fallucada ike kön arqa arqağa oyıştırılğan höcümnärdän soñ prezident Bush ütkärgän mätbuğat konferensiäsendä bombalawlar öçen Saddam taraftarların häm çit il terroristların ğäyepläp, İran häm Süriä üz çiklärendä yaxşıraq kontrol urnaştırır dip kötäbez dide .Ul şulayuq bu höcümner bezne qurqıtmıy häm Ğıraqtağı kursnı üzgärtügä kitermiäçäk dip tä äytte.

Ğıraqta arta barğan köç qullanuğa cawap birgän prezident G.Bush şişämbedä ütkärgän press konferensiädä üzeneñ säyäsäten yaqlap, östämä ğäskär cibärü yäki okupatsiä astındağı ildä strategine üzgärtü kiräkmi dip belderde.İlbaşınıñ Ğıraq turındağı mätbuğat oçraşuı, Bagdadnıñ birelüennän soñ bulğan in yaman köç qullanu waqıtına turı kilde.İlbaşı köç qullanunı kimetü öçen ğıraqlılarnıñ küzläw mäğlümäte cıyınu yaxşırtuları , tizlektä aktivlıq kürsätüläre , şulayuq hädäf itep alınuı mömkin urınnarnı saqlaunı nığıtu, terrorçılarnıñ ütep kerüen tuqtatu öçen çiklärdä kontrolne arttıru kiräkle dip söyläde. Bush sonğı höcüm artında toruçılar turında bolay dide: (audio) gönaxsız sivillärgä yasalğan bu ömetsez höcümnär bezne yäki üzlären saqlau häm üz idarägä omtıluğa quşılğan qıyu ğıraqlılar häm äfganlılarnı qurqıtmayaçaq. Prezident çit il suğışçılarınıñ Ğıraqqa kerüen tuqtatu öçen AQŞ Süriä vä İran belän yaqın xezmättäşlek itä häm çik patrullären nığıta dip äytte .Ul 40minutlıq press konferensiä waqıtında Quşma Ştatları höcümnär öçen cawaplı buluçılarnı tabu öçen tırışlıq alıp bara dip äytte (audio) bez bu keşelärne tabarğa tırışabız, ämma min alar baatçılar häm çit il terroristları dip uylıym dide. Zur bäreleşlär bette dip iğlan itkännän soñ 6 ay waqıt ükäç tä Ğıraq qurqınıçlı urın bulıp qala, çönki qayberäwlär AQŞ ilne totrıqlandırırğa häm tözekländerergä telämi dip ışana dip äytte Bush. İlbaşı (audio) äytkänemçä Ğıraq terrorğa qarşı suğışnıñ ber öleşe, ul üzäk front, terrorğa qarşı suğışta yaña front,şunlıqtan qıyu, nıq häm saqlıqlı bulu möhim. Prezident, Saddam Xösäin häm Äfganstanda Taliban rejimı cimerelgäne öçen Dönya bügen iminräk xälgä kilde dip äytep, rekonstruksiä eşläreneñ qıyın baruın iqrar itte , häm moña här ike ildä dä ireklek doşmannarınıñ buluın säbäp itep kürsätte.G.Bush jurnalistlarnıñ saqlanu ministırı Rumsfeldnıñ terrorğa qarşı suğışnıñ aqrın baruı turında borçılıp yardämçelärenä yazğan memorandum turındağı sorauına . AQŞ häm anıñ beräktäşläre Ğıraqta döres strategiä alıp bara , mätbuğat yazğanıça här närsä sorı töstä tügel, qurqınıçlar arasında uñay eşlär dä bar dip söyläde. Bushnıñ mätbuğat aldındağı çığışı, demokrat prezident namzätläreneñ –Aqyort Ğıraqta köç qullanunıñ artaçağın aldan kürä almadı häm ul nindi çaralar,amerikannarnıñ tormışın saqlau öçen nişlärgä kiräklege turında belmi- digän tänqitlären tuqtatmadı. Demokrat senator Tom Daschle Bushnıñ mätbuğat oçraşuınnan soñ şunduq jurnalistlar aldında çığış yasap, ägär dä bez Ğıraqtağı xällärne progress dip atasaq, tağı küpme kübräk progress kötä alabız ,minemçä äytelgän häm eşlängän arasında üsä barğan ışanmaw upqını bar dip söyläde.

färidä xämit, praga
XS
SM
MD
LG