Prokuratura Federatsiä Şurası äğzası Vasiliy Şaxnovskiynıñ saylanuın mäxkamä aşa ğämäldän çığarırğa teli. Ägär dä mäxkamä Şaxnovskiynıñ salımnan qaçu ğäyepläwe belderelgännän soñ 10 kön ütkäç saylanuı ğämäli tügel digän qarar çığarsa Şaxnovskiy qağılğısızlıq xoquqın yuğalta.
Mäskäw gazetları uzğan atna axırında Yukos citäkçese Mixail Xodorkovskiy qulğa alınğannan soñ Rusiä prezidentı idaräse başlığı Aleksandr Voloşin wazıyfasınnan kitü turında ğariza tapşırğan dip yaza.
Dikäbrdä ütäçäk parlament saylawları aldınnan oppozitsion partiälärgä yardäm itkän Xodorkovskiy şärämläşüdä häm salımnan qaçuda ğäyeplänä.
Yewropa Komissiäse Rusiä xakimiätlären Xodorkovskiy eşendä qanun bozmasqa çaqırdı.
Yewropa Berlege wäkile Diego de Oyeda Xodorkovskiy eşe Rusiäneñ kiläse atnada Rimda ütäçäk Yewropa Berlege belän iqtisadıy söyläşülärenä tä'sir itärgä mömkin dide.
