Accessibility links

сишәмбе, 6 декабрь 2016, Казан вакыты 23:00

İran Quşma Ştatlar belän söyläşülär başlaw mäs'äläsen qaraw öçen Waşingtonnıñ ğämäli adımnarın kürergä teli


Kiçä AQŞ däwlät sekretare urınbasarı Richard Armitage AQŞ qayber mäs'älälärdä İran belän çiklängän söyläşülär ütkärergä mömkin dip äytkän ide. İran xökümäte wäkile Abdulla Ramazanzadä Tähran Waşingtonnıñ ışanıç qazanu tırışlıqları başlawın kötä dide. Ramazanzadä Quşma Ştatlar söyläşülärgä ömetlängänçegä qädär başta İrannı ğäyepläwlären häm yanawların tuqtatsın dip äytte. Ramazanzadä tağın ber märtäbä Tähran äl-Qaidä turındağı küzläw mäğlümätlären Quşma Ştatlarğa birmiäçäk dip belderde. İran wäkile Tähran Quşma Ştatlar belän bernindi mönäsäbätlärdä tormıy, şuña kürä Waşingtonğa mäğlümätlär birep xezmättäşlek itü öçen dä bernindi säbäp yuq dide. Waşington İranda totqarlanğan äl-Qaidä äğzaları turında mäğlümät alırğa teli.

XS
SM
MD
LG