Accessibility links

Кайнар хәбәр

Kaliforniädäge yanğınnar tarala bara


Kaliforniä ştatınıñ könyağındağı tawlarda qotıruçı köçle yanğınnar 240 meñ hektar mäydannı biläp aldı, kimendä 18 keşene üterde häm 2 meñnän artıq yortnı yuq itte. Yanğın sünderüçelär citäkçelärennän berse Kapitan Mark Miller yortlarnı saqlaw bik qıyın dide:

AUDİO: Bik qızğanıç. Ut uram buylap kilgändä, bez qotqarıp bulırday yortlarnı ezlibez. Bez tirä yaqları buş bulğan yortlarnı saqlap qalırğa tırışabız. Tirä yaqlarında üsemleklär bulğan yortlarnı qotqaru mömkin tügel, şuña kürä bez andıylarnı qaramıybız.

Yanğın säbäple distälärçä meñ keşe yortlarınnan kitärgä mäcbür buldı. Yanğın kimendä 10 ayırım urında tarala bara. Alarnıñ kübesenä maxsus räweştä ut törtüçelär säbäpçe. Kaliforniäneñ tizdän xakimiättän kitäçäk gubernatorı Gray Davis bu –ştattağı iñ zur bäla bula ala dide. Yanğın kitergän zıyan, yanğınğa qarşı köräş häm yardäm kiterü çığımnarı 2 milliard dollarğa citärgä mömkin. Kaliforniä bolay da bik zur budjet defitsitı kiçerä. Yanğınnan kütärelgän töten ğälämnän dä kürenä.
XS
SM
MD
LG