Accessibility links

шимбә, 10 декабрь 2016, Казан вакыты 00:17

Voloşin vazifasınnan kitkän xäldä, monıñ näticäläre bik qatmarlı bulaçaq


İnde berniçä könnän birle prezident Putinneñ ştab başlığı Aleksander Voloşin Xodorkovskiynıñ qulğa alınuına protest belderep vazıyfasınan çigende digän xäbärlär yöri. Prezident Putin dä, Kreml süzçese dä bu xaqta endäşmilär. Xodorkovskiynı dikäberdäge Duma saylaularınnan alda prezident Putin häm möhiten nığıtu maqsäte belän taktik säbäplärdän qulğa aldırtu , kiresençä Russiäne dä prezidentnıñ da pozitsiäsen zäğiflätä ala.

Putinneñ "Sorı kardinalı" dip yöretelgän Aleksander Voloşin, Xodorkovskiy şimbä könne qulğa alınğaç vazıyfasınnan cigengän dip belderelä. Kreml Yukos häm anıñ xucasın cazalau mäsäläsendä camadantış qatı çaralar kürde kebek. Bu isä kapitalnıñ çit ilgä ağıluına, politik stabilsezlekkä häm Russiägä kapital salunıñ kimüenä dä kiterä ala. Birjalar inde reaksiäsen kürsätte. Aksiälärneñ bäyäse töşte. Voloşin Kremldä xakimiät öçen üzara köräşkän ike fraksiäneñ berse, irekle bazar taraftarı fraksiäneñ citäkçese ide. İkençe fraksiäne isä Putin kebek KGBda xezmät itkän , käsep häm başqa ölkälärdä dävlätneñ zur rol uynauın yaqlauçılar täşkil itä. Säböbe äle bilgele bulmasa da, Siloviki dip atalğan bu fraksiä Yukosqa qarşı kampaniäneñ inisiatorı bulıp tora dip xisaplana. Strategik Öyrätülär Üzägeneñ politik küzätüçese Andrey Piontovskiynıñ amerikan gazetası Nyu York Taymsqa belderüenä qarağanda, Putin Siloviklärgä yaqınıraq tora häm anıñ Xodorkovskiynıñ qulğa alınuın nıq yaqlauı häm täsirle kapital xucaları belän oçraşunı kire qağuı da monı işarä itä. Piontovskiynıñ süzlärençä, alar çekistlar häm yuğarıdan idarä itelgän demokratiä häm vertikal xakimiätkä genä ışanalar. Elekke prezident Yeltsin çorında xakimitkä kilgän Voloşin moña çaqlı Yeltsin şorında kütärelgän oligarxlar belänçekistlar arasında küper vazıyfasın uynap kilde. Ul Putinneñ ştab başlığı ğına tügel, ä Putinneñ xakimiätkä kilüendä rol uynağan töp şäxeslärneñ berse bulıp ta xisaplana. Poilitik küzätüçe Vladimer Prıbılovskiynıñ fikerençä,

Audio

Sotsiolog Olga Krıştanovskayanıñ fikerençä, üz vaqıtında tanılğan käsepçe bulğan Voloşin oligarxlarnıñ mänfäğätlären dä yaqlauçı şäxes bulıp tora.

Audio

Olga xanımnıñ fikerençä, Voloşin ber ük vaqıtta öç vazıyfanı ütäp kilgän. Ul Kremlneñ köndälek eşçänlege öçen cavaplı şäxes, strategik fikerlävçe häm borınğı Yeltsin qäbiläseneñ väkile bulğan. Voloşin çınnan da cigengän xäldä, bu oligarxlarnıñ Putinneñ siloviklärenä ciñelgänen añlataçaq digän fikerdä Krıştanıoskaya.

Audio

Politik kütäztüçe İgor Bunin monıñ belän kileşmi. Anıñ fikerençä, bu çiñelü tügel, ä siloviklärgä höcüm bulıp tora, Putin saylaulardan alda Voloşinne yuğaltu belän täväkkällek itä almıy.

Audio

Voloşin çınnan da çigendeme, çigengän xäldä Putin monı qabul itteme digän soraularğa äle qätği cavap yuq. Şulay da bu turıdağı imiş-mimeşlärneñ genä dä tiskäre täsire bik zur.

Färit İdelle, Praga .
XS
SM
MD
LG