Accessibility links

якшәмбе, 11 декабрь 2016, Казан вакыты 11:03

Serbiä başqalasında xökümätkä qarşı demonstratsiä ütte


Anda meñnärçä keşe qatnaştı. Demonstratsiälär kiçä başlanğan ide. Serbiä politsiäse qalqannar yardämendä demonstratsiäçelärne parlament binası yanınnan çitkäräk etep çığardı. Bäreleşlär waqıtında 2 keşe çiñelçä yaralanğan. Hönär berlekläre tarafınnan oyıştırılğan demonstratsiä xökümätneñ kitüen, waqıtınnan elek parlament saylawları ütkärüne häm xosusıylaştırunı tuqtatunı taläp itä. Bügen parlamentta xökümätkä ışanıç mäs'äläse tawışqa quyılğanda Serbiä premyer-ministrı Zoran Jivkoviç xökümät eşçänlegen yaqlap çığış yasadı. Jivkoviç Serbiäneñ iqtisadıy qıyınlıqları aftokratik idarädän demokratiägä küçü çorı öçen normanl küreneş dide. Serbiädä 2000 yılda elekke prezident Slobodan Miloşeviçnıñ xakimiättän kitüennän soñ tormış däräcäseneñ yaxşırmawı säbäple eşçelär arasında qänäğätsezlekneñ arta baruı turında xäbär itelä.

XS
SM
MD
LG