Accessibility links

шимбә, 3 декабрь 2016, Казан вакыты 12:44

Küzätüçelär:Aqyort taktikası Ğıraqtağı ciñüne ciñelügä äyländerä ala


Prezident G.Bushnıñ zur bäreleşlär bette dip iğlan itkän 1nçe maydan soñ ülgän amerikan soldatlarınıñ sanı, Ğıraq intervensiäse waqıtında häläk buluçılar sanıñ ütte.İlbaşı AQŞnıñ Ğıraqtağı uñışları turında baraban qaqsa da, anda qarşılıq kürsätüneñ üsä baruın kimetep söyli.Radiobızğa ängämä birgän qayber analitiklar qaraşınça, Aqyort taktikası Ğıraqtağı ciñüne ciñelügä äyländerä ala.

Prezident G.Bush Ğıraqta bu atnada köçäyep kitkän partizan höcümnäreneñ ähämiäten kimetep söyläde. Qayber analitiklar bu höcümnärne 35yıl elek Vietnamda amerikannarğa yasalğan tet höcümnärenä oşatıp ramazan höcümnäre dip atadı Vietnamlılar yaña ay kürünüe belän başlanğan 3 könlek yaña yıl bäyräme waqıtında AQŞ köçlärenä höcüm oyıştırğan ide. Bush Ğıraqta AQŞ citäklägän tözekländerü eşläre yaxşı barğan öçen , doşmannar ömetsezlekkä birelep höcümnär oyıştıra dip söyläde. Ämma Buşnıñ bu süzläre pensiädäge amerikan polkovnığı , xäzer George Town Universitetında milli iminlek turında leksiälär uqığan Kenneth Allardqa täsir itmäde. Allard Bush äytkännäre amerikannarnı da , ğıraqlılarnı da ışandırmıy, ul miña mäktäp beterü sınawına kilgän studentlarnı xäterlätte, minemçe Bush Ğıraq suğışı bik qatı bulaçaq, ämma Vietnam qädär tügel dip xalıqqa çığıp äytergä tieş ide, anda 100me 1000me soldatıbız üläçäk, ämma bu eşne eşlärgä kiräk , çönki ul layıqlı dip äytergä tieş ide. Allard AQŞ vä koalitsion köçlärneñ mäktäp, xastaxanä açuı , cirle politsiä häm başqa iminlek köçlären citeşterüe irekle mätbuğat öçen möhit buldıruı älbättä uñış , ämma partizan suğışınıñ kiskennäşüe säbäple Bagdad häm tiräsendä iminlekne tämin itä almawları xalıqnı nıq qurqıttı dip söyli. Allard qaraşınça bu suğış bigräk tä partizan suğışında täsirle bulu öçen berdänber yul küzläw mäğlümäten yaxşırtu. Allard Ğıraq belän Vietnam suğışı arasında ällä ni paralel kürmi ämma Bush administratsiäseneñ üz uñışın küpertep , partizannarnıñ qarşılıq kürsätüen kimetüe turında bolay di:(audio).Minemçä Vietnamdağı tet höcümenä oşaş ramazan höcümeneñ baruı açıq.Bez tulı xärbi köç qullanırğa tieşbez yuq isä qızğanıç belderäçäkbez çönki bez moñı yuğalta almıybız. Viet Kongnıñ tet höcüme Vietnamda 1968nçe yılnıñ ğıynuarında başlandı. Sonğı çiktä ul xärbi uñış tügel ide. Ämma şaqtıy ğına amerikan soldatlarınıñ häläk buluı prezident Jonhson öçen säyäsi cawaplıqlıq buldı. Allard Ğıraqta eşlärneñ yaxşıruı öçen ğäräbçä söyläşüçe keşelärne arttırğa , küzläw eşen nığıtırğa kiñäş itä häm prezident Bush amerikan xalqına suğış turında açıq , anıq mäğlümät birergä tieş di. Bu qaraşlarnı elek pentagon häm däwlät departamentında küzläw analitığı bulıp xezmät itkän Anthony Cordesman da büleşeä. Xäzer Strategik häm Xalıqara Tikşerenülär Üzägendä eşlägän Cordesman Bushnıñ Ğıraq suğışı qararın yaqlauçılardan häm bu suğışta ciñep çığarğa tieşbez dip äytkän keşe. Ämma ul ägär dä Bush Amerika xalqınıñ telägen üzeneñ suğış strategieseneñ ber öleşe itmäsä bu suğışta ciñelä ala dip äytä.. Allard kebek Cordesman da prezident häm anıñ ölkän yardämçeläre amerikannarğa Ğıraqnı tözekländerü yıllarça däwam itäçäk,alar yuğaltularnı qabul itergä tieş dip söylärgä tieş digän fikerdä. Ul şulayuq Bush administratsiäneñ partizan suğışına äzerlänmägän buluın da äytergä tieş dip qarıy.Cordesman fikerençä saqlanu ministırlığı älegä xällärgä ber dä äzerlekle tügel ide.Näticädä AQŞ ciñep çıqsa da, ul tınıçlıq, iminlek häm konfliktlarnı beterü yäki tözekländerü eşläre öçen , Saddam köçlären ciñü öçen äzerlekle bulğan kebek tügel ide . Belgeç, respublikan partiäseneñ uñ qanadın täşkil itkän neo- konservativlar saqlanu ministırlığında utıra. Alar prezidentnı Ğıraqtağı tözekländerü eşlären alıp baruları öçen künderde. Ğädättä bu däwlät departamentınıñ eşe ide, häm ul bu eşkä ber yıl buyı äzerlände tikşerde , häm bula alaçaq problemalar turında kisätte. Cordeman süzlärençä (audio) bez ber qayçan da ideologik ber törkemneñ xökümät protsesın kontrol itüenä, xärbilärne häm başqa agetlıqlarnı izolatsiädä qaldıruına häm tınıçlıqta suğışqa qarağanda kübräk amerikannarnıñ ülüenä kitergän wazğiätneñ xasıyl buluına röxsät itä almıybız.. Kiläçäktäge administratsiä şulayuq älege Aqyort bulardan sabaq alır dip dip ömed itä Cordesman

färidä xämit, praga
XS
SM
MD
LG