Brüssel. Yevropa komissiäse bügen Rusiäne, YUKOS şirkäte tiräsendäge xällärne qanun nigezendä eş itärgä öndäde. Komissiä wäkile Diego de Obejda, YUKOSnıñ Mixail Xodorkovski häm şirkätneñ başqa citäkçeläre qulındağı 44 protsent aksiälären tuñdırıp toru qararın "borçuğa" salırlıq dip bäyäläde. "YUKOS aksiäläreneñ şul xätle zur öleşen tuñdıru Rusiä finans bazarlarında şaqtıy citdi totrıqsızlıq wä bilgesezlek xise tudırdı, Rusiädä inde äytelgänçä, bu ber dä uñay täräqqiat bulıp tormıy" di Yevropa Komissiäse wäkile de Obejda. Anıñ süzlärenä qarağanda, Yevropa Berlege illäre älege oçraqnı Rusiäneñ eçke qanuni eşe dip bäyäläsä dä, anı qanunnı xörmät itärgä çaqıra.
