Accessibility links

җомга, 2 декабрь 2016, Казан вакыты 22:54

Rusiädä 1999-nçı yılda toraq yortlarnı şartlatu eşen qarağan mäxkämä açıldı


Mäskäw. Bügen biredä, 1999-nçı yılda Volgodonski häm Mäskäwdä berniçä toraq yortnı şartlatuda ğäyeplängän Yosıf Qırımşamxalov häm Adäm Dekuşev eşen qarawçı mäxkämä açıldı. Şul şartlawlar näticäsendä 246 keşe hälak bulğan ide, räsmi Mäskäw monı ikençe çäçän suğışın başlap cibärü öçen qullandı. Mäxkämä qarşına basqan älege ike keşe Rusiägä Gruziädän qaytarıldı, alar anda Çeçnä belän çiktäge Pankisi tarlawığında sıyınu tapqan ide. Qırımşamxalov häm Dekuşev tıyılğan qorallı törkemdä äğza buluda, oyışqan cinayät törkemendä qatnaşıp terror ğämäle qıluda, belä torıp keşe üterüdä häm yäşeren töstä qorallar citeşterüdä wä alarnı totuda ğäyeplänä. Rusiäneñ räsmi mäğlümat çaraları, Qırımşamxalov üzen ğäyepläwlärne öleşçä tanıdı dip xäbär itä.

XS
SM
MD
LG