Accessibility links

шимбә, 3 декабрь 2016, Казан вакыты 01:31

Berläşkän Millätlär Ğiraqtan üz xezmätkärlären çığara


Bagdad. Totrıqsızlıq häm köç qullanu oçraqlarınıñ haman da däwam itüwe säbäple Berläşkän Millätlär Oyışması üzeneñ Ğiraqta eşlägän bar çit il xezmätkärlären Bagdadtan çığarıp torırğa buluwın xäbär itte. Bu qarar ämma Ğiraqnıñ iminräk bulğan tönyaq rayonnarına qaramıy, anda BMO xezmätkärläre üz eşen däwam itäçäk. Oyışmanıñ wäkile Marie Okabe monıñ waqıtlı çara buluwına işarä itä. "Min şuña basım yasarğa telär idem, bu waqıtlı ber küçerep toru häm üzgärüçän täräqqiatneñ ber öleşe genä. Urındağı wäzğiat bertuqtalmıy küzätelep tora häm xezmätkärlärne çığaru Ğiraqnı taşlap kitüne añlatmıy" di Berläşkän Millätlär wäkile. Bagdadta oyıştırılğan berniçä şartlawdan soñ anda eşläwçe humanitar oyışmalar, ayırım alğanda Xalıqara Qızıl Xaç/Qızıl Ay cämğiate, üzläreneñ Ğiraqtağı çit il xezmätkärlären yä ildän çığaru, yä alarnıñ sanın kimetü xaqında beldergän ide.

XS
SM
MD
LG