Accessibility links

дүшәмбе, 5 декабрь 2016, Казан вакыты 05:39

Möxämmäd Baradei: İrannıñ atom programması turında sorawlar qala birä


Wien. Berläşkän Millätlärneñ atom energiäse idaräse başlığı Möxämmäd äl-Baradei, älege idarä İrannıñ üz atom programması turındağı xisabın tikşerä häm anda äle şaqtıy ğına soraw cawapsız qala dip belderde. Anıñ şuşı süzläre bügen Germaniäneñ "Frankfurter Allgemeine Zeitung" basmasında dönya kürde. Näq menä üktäbrneñ 31-e Xalıqara atom energiäse idaräse tarafınnan, İrannıñ üz programması turında tulı xisap birüwe, anıñ yäşeren räweştä atom qoralları citeşterergä tırışmawın isbatlawı öçen soñğı kön dip bilgelängän ide. Kiçä Möxämmäd äl-Baradei, İrannıñ 23-nçe üktäbrdä tapşırğan xisabın nigezdä uñay bäyäläsä dä, anı tikşerü däwam itä dip belderde. Xalıqara atom energiäse idaräse İran xisabın üzeneñ 20-nçe noyäbrgä bilgelägän utırışında qararğa cıyına.

XS
SM
MD
LG