Bügen Ğiraqnıñ Mosul şähärendä yul buyında bomba şartlawı nätäcäsendä 2 amerikan hälak buldı, tağın ikese yaralandı. Alarnıñ xärbilär bulu – bulmawı älegä bilgesez ide. Berläşkän Millätlär Oyışmasınıñ Bağdadtağı xezmätkärläre Kiprğa, Ğiraq başqalasında eş şartları turında söyläşügä kitte. Xalıqara oyışmanıñ tağın 40 wäkile älege waqıtta Ğiraqnıñ tönyağında, iminlek yaxşıraq bulğan Arbil şähärendä qala. Berläşkän Millätlär programmaların ğamälgä kertügä il buylap 4 meñgä yaqın Ğiraqlı yardäm itä.
Associated Press mäğlümat agentlığı Tikrit şähäre yanında neft torbası yana, dip xäbär itte. Torbağa ut törtkännär dip farazlana.
Xäbärlärgä qarağanda Bağdadta tormış tuqtağan. Başqalada bilgesez törkemnär tarafınnan bügen häm irtägä "qarşı toru çaralarına" çaqırğan qağäzlär taratıla. Uram qağäzlärendä Ğiraqnı okkupatsiäläwgä qarşı 3 könlek protest çaralarında qatnaşırğa ügetläw dä bar.
Amerika Quşma Ştatlarınıñ Bağdadtağı konsullığı kiçä, il buylap höcümnär bulu ixtimalı turında kisätte.
Bügen Amerikan prezidentı Geroge Bush üzeneñ şimbä sayın yasıy torğan radio çığışında Quşma Ştatlar ğaskärläreneñ Ğiraqtan xäzer ük çığıp kitüe döres bulmas ide, bez andağı eşne axırına citkeräçäkbez, dip belderde.
Associated Press mäğlümat agentlığı Tikrit şähäre yanında neft torbası yana, dip xäbär itte. Torbağa ut törtkännär dip farazlana.
Xäbärlärgä qarağanda Bağdadta tormış tuqtağan. Başqalada bilgesez törkemnär tarafınnan bügen häm irtägä "qarşı toru çaralarına" çaqırğan qağäzlär taratıla. Uram qağäzlärendä Ğiraqnı okkupatsiäläwgä qarşı 3 könlek protest çaralarında qatnaşırğa ügetläw dä bar.
Amerika Quşma Ştatlarınıñ Bağdadtağı konsullığı kiçä, il buylap höcümnär bulu ixtimalı turında kisätte.
Bügen Amerikan prezidentı Geroge Bush üzeneñ şimbä sayın yasıy torğan radio çığışında Quşma Ştatlar ğaskärläreneñ Ğiraqtan xäzer ük çığıp kitüe döres bulmas ide, bez andağı eşne axırına citkeräçäkbez, dip belderde.
