Accessibility links

Кайнар хәбәр

Ğiraqtağı Falluca şähäre yanında amerikan boralağı bärep töşerelde: 15 xärbi hälak buldı


Ğiraqtağı amerikan xärbiläre mäğlümatlärenä qarağanda bügen Falluca şähärendä amerikan boralağı bärep töşerelgän, 15 keşe hälak bulğan, 21e yaralanğan. Bu xaqta Quşma Ştatlar ğaskärläreneñ Ğiraqtağı matbuğat wäkile polkovnik William Darley xäbär itte: "Hälakät näticäsendä 15 keşe ülde, 21e cärähätlär aldı, yaralnuçılar xastaxanägä cibärelde".... April ayında Säddam Hösiän rejimı betkännän birle, bu yulı ber höcümdä iñ küp amerikan xärbie hälak buldı. Höcüm bulğan urınğa kilgän Reuters mäğlümat agentlığı xäbärçese Andrew Smith belderüenä kürä, "şaxitlär süzlärenä qarağanda, boralaqqa ike cir-hawa raketası atılğan, alarnıñ berse hädäfenä barıp citkän". Boralaq Quşma Ştatlarnıñ Fallucada urnaşqan 12nçe hawa diviziäseneke ide. Hälak bulğannar häm yaralanğan xärbilär arasında – Ğiraqtan 2 atnağa yalğa kiter öçen Bağdadnıñ xalıqara hawa alanına yul totqan xärbilär bar ide, dip xäbär itelä. Barlığı 57 xärbi Bağdadtan başqa cirgä kitäse bulğan.

Amerika Quşma Ştatları saqlanu ministrı Donald Rumsfeld, boralaqqa närsä atılğan buluın Pentagon tikşerä, dip belderde: "Boralaqlarnıñ bersenä cir-hawa raketalarınıñ atıluı ixtimal, läkin cirgä töşkän boralaqqa şul raketa eläkkänme – monısın belmim. Läkin, mondıy cir-hawa raketalarnıñ dönyada kiñ taralğan buluın, alar belän boralaq häm oçqıçnı bärep töşerep bulğannı barıbız da beläbez, " dide Rumsfeld.

Radiobıznıñ Bağdadtağı xäbärçebese Valentinas Mite''dan alğan mäğlümatkä qarağanda, Fallucadağı höcüm – ilneñ başqalasında elekke Saddam tarafdarları planlaştırılğan qarşılıq çaraları sürätendä oyıştırılğan. Şulay uq ike köne elek Waşington, Ğiraqta amerikan xärbilärenä qarşı höcümnär buluı ixtimalı turında kisätkän ide.

Analitiklar fikerençä Ğiraqta amerikannarğa qarşı toru könnän kön köçäyä, çaralarnı oyıştıru ostalığı arta..... Amerikan xärbiläreneñ matbuğat wäkile bügen iertän Bağdadta şartlağan bombadan ber ğaskärineñ hälak bulğanın xäbär itte. Quşma Ştatlar prezidentı George Bush''nıñ 6 ay elek Ğiraqta suğış tämamlandı, dip iğlan itüennän birle , bügenge höcümnärdän soñ Ğiraqta hälak bulğan amerikan xärbiläreneñ sanı 138gä citte.
XS
SM
MD
LG