Accessibility links

җомга, 9 декабрь 2016, Казан вакыты 06:49

Qabulğa BMO İminlek Şurası diplomatları kilde


Bügen Äfğanstan başqalasına Berläşkän Millätlär Oyışması İminlek Şurasınıñ yuğarı däräcädäge delegatsiäse kilde. Xalıqara wäkillär ber atna buyına Äfğanstandağı iminlekne, tözekländerü eşläreneñ barışın häm keşe xoquqları torışın tikşeräçäk. İminlek Şurasındağı 15 il diplomatları Äfğanstan prezidentı Hamid Qarzai, şulay uq başqa Äfğan citäkeçläre, şular arasında köndäş qabilärlär başlıqları Abdul Räşid Dostum häm Atta Möhammät belän oçraşaçaqlar. Wäkilçelekneñ citäkçese, Germananiäneñ Berläşkän Millätlär Oyışmasındağı wäkile Gunter Pleuger, kilüneñ maqsatı – xalıqara cämäğätçelekneñ Äfğanstanğa yardäm itkänen kürästü, dip belderde. Läkin xalıqara diplomatlarnıñ kilüe ildä köç qullanunıñ artqan waqıtına turı kilde. Etnik taciq häm üzbäk törkemnäre arasındağı bäreleşlärdä kiçägedän birle kimendä 5 keşe hälak bulğan dip xäbär itelä.

XS
SM
MD
LG