Accessibility links

шимбә, 10 декабрь 2016, Казан вакыты 04:15

İsrael premyer-ministrı Ariel Şaron Mäskäwgä kilde


3 könlek säfäre waqıtında Şaron Rusiä prezidentı Putin, premyer-ministr Kasyanov häm tışqı eşlär ministrı İgor İvanov belän oçraşırğa niätli. Söyläşülär – Yaqın Könçığışta solıx urnaştıru häm İrannıñ atom programması turında bulaçaq, dip xäbär itelde.

Rusiä, xalıqara cämäğätçelek tarafınnan yaqlanğan "yul kartası" dip isemlängän tınıçlıq planın kire qaytarıp ğamälgä kertergä kiräk dip Berläşkän Millätlärgä basım yasıy, İsraelneñ mäğlümat çaraları xäbär itüençä, Şaron bu plannıñ ğamälgä kertelüenä qarşı çığarğa niätli, çönki " yul kartası" – 2005nçe yılğa Fälestin däwläten tözüne üz eçenä ala. Rusiä citäkçelege häm Şaron arasında söyläşülär şul xaqta baraçaq, şulay uq, köntärtibendä İrannıñ atom programması. Mäğlüm bulğança, İsrael İrannıñ atom texnologiälären üsterü ixtimalına borçılu belderä, Rusiä isä İranğa atom zavodı tözergä yardäm itä.

XS
SM
MD
LG