Accessibility links

Кайнар хәбәр

Bötentatar ictimaği üzäge Duma saylawlarına äzerlänä


Şuşı könnärdä “Rusiäneñ xaq patriotları” firqäseneñ Mäskäwdäge üzäge Bötentatar ictimaği üzägenä xäbär saldı.

İctimaği üzäk räise Räşit Yäğfärov şuşı äñgämädän soñ saylaw aldı kompaniäse öçen üzäk tele-radio kanallarında buşlay birelä torğan efir waqıtına şobağa salu çarasına kitäsen äytep quydı. “Rusiäneñ xaq patriotları” terkälüe häm üz isemleklärendä Bötentatar ictimaği üzäge citäkçelegenä urın birüe anıñ cämğiättäge urının nığıtuğa säbäp bulır dip farazlana. Soñğı waqıtta Tatar ictimaği üzägeneñ matdi xäle bik naçar. Karl Marks uramındağı binanıñ arendası häm cire öçen tülärgä aqçası yuq. Mäxkämä yä burıçlarnı tülätü, yä binadan qualap çığaru mäs’äläsen tikşerä.

Bötentatar ictimaği üzägeneñ häm tatar cämäğätçelegeneñ küñelenä şom saluçı waqiğalar dä bulıp tora. Mäğlüm ki uzğan atna azağında Qazanda rim papası ilçese nunsiy Antonio Menneni bulıp kitkän ide. Comğa könne anıñ qatnaşında Qazannıñ tarixi üzägendä - iske tatar bistäsendä katoliklar çirkäwe salınası urınğa bik zur ağaç täre quyıldı. İctimaği üzäk moña räsmi protest belderde.

Häm axırda Tatar ictimaği tormışındağı uzğan atnada bulğan ber üzgäreş. Prezidium utırışında öç keşe prezidium sostavınnan çığarılğan ike keşe Ayrat Ğabdullin häm Al'bert Xäsänşin kertelgännär.

Yunıs Ätnäle.
XS
SM
MD
LG