Accessibility links

шимбә, 3 декабрь 2016, Казан вакыты 05:40

Quşma Ştatlar häm Britaniä Ğiraqta "terrorçılarğa qarşı suğışnı" däwam itergä cıyına


Britaniä premyer-ministrı Tony Blair, uzğan atna ğiraqlılar häm andağı Quşma Ştatlar koalitsiäse öçen ayıruça ayawsız buldı, dip belerde.

Blair'nıñ matbuğat xezmäte añlatmalarında, soñğı könnärdäge yuğaltular – ilneñ başqa töbäklärendäge alğa kiteşkä külägä töşerergä tieş tügel, dielä. Koalitsiä Ğiraqnı tözekländerü eşen däwam itäçäk. İnde bilgele bulğança kiçä Aq Yort belderüendä dä Quşma Ştatlar Ğiraqta, amerikannar äytüençä "terrorçılar"ğa qarşı suğışnı däwam itergä cıyına, dip äytelgän ide.

Soñğı könnärdä kimendä 4 Ğiraqlı hälak bulğan. Kiçä kiç tönyaqtağı Kirkuk şähärendä bilgesez keşelärneñ tınıç xalıq yäşägän rayonğa raketalar atuı näticäsendä ike keşe ülde, 6sı yaralandı. Fallujah şähäre yanında Amerikan xärbiläre häm ğısyançılar arasında bulğan atışlar waqıtında 11 yäşlek malay hälak bulğan. Häm bügen Bağdadtan tönyaqkönçığışqa taba urnaşqan Baquba şähärendä avtobusnıñ yul çatında quyılğan bombağa elägep şartlawı näticäsendä 1 ir keşe ülgän, 7se yaralanğan.

Kiçä isä – 18 amerikan hälak buldı, alar arasında bärep töşerelgän Çinook boralağında bulğan 15 xärbi.... Tağın ber amerikan xärbie häm 2 sivil keşe – başqa höcümnärdä hälak buldı. 21 keşe yaralanğan. Cärähätlär aluçılarnıñ küpçelege Quşma Ştatlarnıñ Germaniädäge Ramstein xärbi hawa bazasına kiterelgän.

Bügen Latviä räsmiläre Ğiraqqa, anda tınıçlıq urnaştıru'da qatnaşqan Latviä xärbiläre häm koalistiäse räsmiläre belän oçraşır öçen kitte. Delegatsiädä Latviäneñ saqlanu ministrı Girts Kristovskis ta bar, Latviä räsmiläre Amerikan häm Polşa xärbi citäkçelege, şulay uq Ğiraqtağı waqıtlı idarä başlığı Paul Bremer belän oçraşaçaq. Latvia ğaskärläre isä Ğiraqnıñ könyağında Aşimaya şähärendä häm Kirkukta urnaşqan.

XS
SM
MD
LG