Accessibility links

шимбә, 3 декабрь 2016, Казан вакыты 22:54

Dönya tınıçlığına iñ zur qurqınıç qaysı ildän kilä? Yevropa Berlegendä ütkärelgän fiker beleşüneñ näticäläre


Yevropa Berlegendä Üktäber ayında ütkärelgän xalıq fikeren beleşüneñ näticäse, dönyada tınıçlıqqa in zur qurqınıç kilgän illär isemlegendä İzraelneñ berençe urında toruın kürsätte.

Yevropa Berlege illäre vatandaşları arasında ütkärelägn xalıq fikeren beleşädä, fikere soralğannarnıñ 59 protsentı dönya iminlegenä iñ zur qurqınıç İzraeldän kilä dip beldergän. Qurqınıç AQŞ, İran häm Tönyaq Koreadan kilä dip uylauçılarnıñ protsentı 53. Yevropa Komissiäse süzçese Gerrasimus Thomasnıñ süzlärençä, Yevropa Berelege bu xaqta nindi dä bulsa räsmi kommentariä birmi. Ä inde İzrail ministerlärenneñ fikerençä, bu Yevropa Berlegendä anti-semitizmnıñ üsüen kürsätä. Thomas kommentariä birüdän totlıp torsa da, xalıq fikeren beleşü näticäläreneñ Yevropa Berlegeneñ Yaqın Könçığıştağı häm başqa urınnardağı säyäsätenä täsire bula ala dip belderde.

Audio

"Näticälär bilgele . Bu xalıq fikeren beleşü häm säyäsät anı küz aldında totarğa tieş. Säyäsätebez bilgelängändä, här törle informatsiä, şul sanda monısı da xisapqa alınaçaq."

İzraelneñ qayber gazetaları uzğan atna azağında , xalıq fikeren beleşü Yevropa Berlegeneñ Yaqın Könçığışta tınıçlıq buldıru protsesında bitaraf bulmauın kürsätte, şul säbäple ul tınıçlıqqa yul digän inisiativanıñ aftorları AQŞ, BMO, Russiä häm Yevropa Berlegennän torğan dürtlär törkemennän çığarılırğa tieş dip yazıp çıqtılar. Thomas fiker beleşüneñ näticäläre turında komissiä ber nindi dä şikayät almadı dip belderde. 7500 keşe belän telefon aşa ütkärelgän fiker beleşüneñ näticäläre tağı şunı kürsätte. AQŞ tarafınna terrorçılarğa sıyınu urnı birüdä ğäyeplängän Syriä häm Liviä kebek illär dönya tınıçlığına qurqınıç tudıra dip uylauçılarnıñ protsentı 37 häm 36. 30 protsent yäisä kimeräge dönya iminlegenä Qıtay, Hindostan häm Russiää qurqınıç tudıralar digän fikerdä. Fiker beleşü isemlegendä 15 il telgä alınğan,. Anda Fälästin Aftonomiäse ketelmägän, çönki ul il tügel. İzraelgä qarata iñ zur ışançsızlıq Golandiä, Avstriä , Luksemburg häm Germaniädä xökem sörä. AQŞ dönya tınıçlığına iñ zur qurqınıç tudıruçı il digän fikerdäge illär arasında iñ aldınğı urında Gretsiä tora. Fikere soralğannarnıñ 88 protsentı monı yaqlağan. AQŞqa ışanmauçılıq beldergän illär arasında Golandiä, 64 protsent belän ikençe, İspaniä 61 protsent belän öçençe häm Britaniä 55 protsent belän dürtençe urın bililär. Şuluq fiker beleşüdä qatnaşqan 7500 keşeneñ öçtön ike öleşe Ğıraqqa xärbi intervensiänı aqlarlıq argument yuq ide digän fikerdä bulsa da, yartısınnan küberäge üz illäre anı tözekländerüdä qatnaşırğa tieş digän pozitsiädä tora. 43 protsent BMOsı küpmillätle tınıçlıq köçläre qatnaşlığında rekonstruksiä çoında Ğıraqnıñ iminlege öçen cavaplı bulırğa tieş digän fikerdä bulsa, 5 protsent qına bu rolne AQŞ häm anıñ xäzerge berektäşläre uynarğa tieş digän fikerne yaqlağan. AQŞ dävlät departamentı süzçese Adam Ereli Yevropa Berlegendä dönya tınıçlığına AQŞ qurqınıç tudıra digän fiker AQŞ säyäsätendäge çınbarlıqnı çağıldırmıy dip bu fikerne kire qaqtı. Şuşı fiker beleşü kötelmägän näticälärgä kiterde dip äytergä bula.

Färit İdelle, Praga .
XS
SM
MD
LG