Accessibility links

сишәмбе, 6 декабрь 2016, Казан вакыты 11:15

Semen Kukes: 2-3 aydan YUKOS elekke xälenä qaytaçaq


Rusiäneñ YUKOS neft kompaniäseneñ direktorlar şurası bügen Mixail Xodorkovski urının alaçaq yaña citäkçene bilgeläde. Ul amerikan watandaşı Semen Kukes bulaçaq. Bügen ütkän matbuğat oçraşuında, Kukes, kompaniäneñ elekkeçä eşläp kitüwe öçen 2-3 ay waqıt kiräk bulaçaq, dide. YUKOSnıñ elekke citäkçese Mixail Xodorkovski 10 kön elek xärämläşü häm salımnan qaçuda ğäyeplänep qulğa alınğannan soñ, YUKOS aksiäläreneñ qimmäte töşte. Kiçä Xodorkovski wazifasınnan kitüwe turında beldergännän soñ, aksiälär yänä kütärelä başladı. Kukes süzlärençä, Xodorkovski kompaniädän bolay da kitäse bulğan. Kompaniäneñ startegiäsendä ber üzgäreş tä bulmayaçaq, YUKOS belän Sibneft şirkätlären berläşterü eşe däwam itäçäk, dide ul. 70-nçe yıllarda Sovetlar Berlegennän Amerikağa kitep, Texas ştatınıñ neft sänäğätendä eşlägän, Semen Kukes, Sovet Berlege tarqalğannan soñ kire qayttı. Şuşı yılnıñ cäyendä YUKOSnıñ idarä şurasına kertelgänçe, ul Tömän neft kompaniäse prezidentı bulıp eşläde.

XS
SM
MD
LG