Accessibility links

якшәмбе, 4 декабрь 2016, Казан вакыты 15:26

Premyer Kasyanovqa häryaqlap höcüm itelä


Yukos häm Xodorkovskiy mäsäläse şaqtıy zur şau-şuğa häm xakimiät dairäläreneñ törle reaksiäsenä säbäp buldı. Prezident Putin prokuraturanıñ çaraların xuplap çıqqan bulsa, anıñ ştab başlığı Voloşin urnınan çigende, yaña ştab başlığı Medvedev prokuraturanıñ eşçänlegen çamalı ğına bulsa da tänqitläde. Premier Kasyanov ta bu adımnı xuplamadı. Elekke premierlärdän Primakov häm oligarxlarğa qarşı ğäyeplävlär alğa sörgän Duma deputatı Vladimer Yudin Sişämbedä Kasyanovnı tänqitläp çıqtılar. Bu xaqta Moscow Timesta basılıp çıqqan maqälä.

Gazetanıñ yazuınça, Yukos mäsäläsen köntärtibenä mendergän Vladimer Yudin Kasyanovnıñ da rişvätçelektä ğäyeplänü ixtimallığınıñ buluın işarä itte. Anıñ süzlärençä, Kasyanov ere eşquarlarnıñ salım tülämävlärenä küz yomdı häm monıñ öçen cavap birergä tieş bulaçaq. Yudin şulay uq prokuratura Sibneftne xosusiläşterü eşen dä tikşerergä tieş dip äytkän. Baş prokuratura süzçese bu mäsälädä qarar ber atna eçendä qabul iteläçäk dip belderde. Yudin genä tügel, ä elekke premierlärdän Primakov ta Kasyanov citäklägän xökümätne eşçänlegen täqit itte. Ul Exo Moskvı radiosına birgän intervyusında Voloşinnıñ üz postınnan kitüen xupladı. Anıñ süzlärençä, Voloşin oligarxlar belän xakimiätneñ yuğarı xierarxiäse arasında elemtäçe rolen uynadı. Ul baylarnıñ salım tülävlären buldırası urnığa, alarnıñ telägäneçä xäräkät itülärenä yul quyıp, üze oligarxqa äylände dip belderde Primakov. Ul şulay uq ilne nindi dä bulsa administratsiä väkilläre tügel, ä prezident Putin tiräsendä berläşergä çaqırdı. Politik küzätüçe Sergey Markovnıñ fikerençä, Kremldäge dusı Voloşinnı yuğaltqan häm Yukosnıñ elekke başlığı Xodorkovskiy tormädä utırğan çaqta Kasyanovnıñ politik yaqtan yäşäp qaluı, prezident Putin qulında. Anıñ süzlärençä, Kasyanov täsirle politik berektöşe Voloşinnı yuğaltqanan soñ, höcüm obyektına äylängän. Prezident anı yaqlamağan xäldä, ul säxnädän yuğalaçaq. Primakov tağı , küpken deputatlar häm senatorlar oligarxlar faydasına qanunnarnıñ hä tüzätmälärneñ qabul itelüe öçen lobbi alıp baralar dip tä äytte häm Xodorkovskiynıñ qulğa alınuınıñ säbäben dä işarä itte. Ul oligarxlar arasında säyäsät belän iñ küp şäğellängäne Xodorkovskiy ide dip äytte dielgän Moscow Timesta basılıp çıqqan maqälädä.

Färit İdelle. Praga.
XS
SM
MD
LG