Accessibility links

шимбә, 10 декабрь 2016, Казан вакыты 17:40

Tbilisida prezident Eduard Şverdnadzenı çitläşterergä çaqırğan uram cıyınnarı sülpänäyä


Gruziä oppozitsiäse oyıştırğan uram cıyınnarı sünä bara, bügen keşelär kötelgännän äzräk cıyılğan, dip xäbär itelde. Oppozitsiä citäkçese Mixail Saakaşvili, kiçä, prezident Eduard Şevardnadzenı urnınnan kitüen taläp itep, yäkşämbe uzğan parlament saylawlarınıñ näticälärenä qarşı protest çarası oyıştırdı.

İnterfax mäğlümat agentlığı xäbär itüençä, oppozitsiä wäkilläreneñ oçraşuı – aldan äytelgänçä xökümät binasında tügel dä, Filarmoniä zalında uzğan. Tärtip bozular bulmağan, alay da Tbilisi'dağı möhim binalar häm xökümät yanında eçke eşlär ministrlığı ğaskärläre urnaştırılğan bulğan. Gruziäneñ oppozitsiäse citäkçese , Milli Xäräkät Blogı yulbaşçısı Mixail Saakaşvili, bügen yañadan Şverdnadze'ğa, wazifasınnan tınıç qına kitergä cirle säğat belän kiçke 7gä qadär waqıt birelä, dip belderde.

Bügenge köngä tawışlarnıñ 60%tı sanalğan xäldä, xökümät yaqlı "Yaña Gruziägä taba" dip isemlängän bloknıñ 25.4 %, Saakaşvili'nıñ Milli Xäräkät blogınıñ 24.4%, Leyborist Partiäseneñ tawışlarnıñ 15%tın yawlağanı mäğlüm.

XS
SM
MD
LG