Accessibility links

шимбә, 10 декабрь 2016, Казан вакыты 13:44

Yevropa Komissiäse 10 namzät - ilneñ kiläse yılda Yevropa Berlegenä kerü äzerlegen tikşerep xisabın bäyän itte


Yevropa Komissiäse kiläse yılnıñ may ayında Yevropa Berlegenä kerergä çirat torğan 10 ilneñ äzerlege turındağı xisaplarnı bäyän itte. Xäbärlärgä qarağanda, komissiä, namzät illärdä qalğan problemalarnı aşığıç räweştä çişergä çaqırğan.

Namzät illärneñ iñ zurısı, Polşağa – 9 ölkägä iğtibar itergä kiräk, alar arasında iñ zur problemalar – awıl xucalığı häm azıq-tölek citeşterü ölkälärendä, dip xäbär itelä. Malta, Çexiä, Macarstan häm Slovakiägä isä 4-6 ölkädä awırlıqlarnı çişäse bar. Yevropa Berlegenä kerü öçen iñ yaxşı äzerlängän il – Sloveniä, anda problemalar ber genä ölkädä qalğan.

Xisaplar Yevropa Parlamentına da tapşırılaçaq, şulay uq Yevropa Komissiäse, berlekkä soñıraq kerergä äzerlängän Bolğarstan, Rumıniä häm Törkiä turında da mäğlümat äzerli. Xisap ölgesendä, Törkiäneñ Yevropa Berlege äğzase buluına iñ zur kirtä – anıñ Kipr mäs'äläsendä säyäsi çişeleş taba almawı tora, dip äytelä. Rumıniä üz iqtisadın bazar şartlarına yaraqlaştırırğa tieş. Bolğarstan, iqtisadi mäs'älälärdän tış yuridik sistemanı kamilläşterergä, rişwätçelekkä qarşı çaralarnı köçäytergä tieş, dielä Yevropa Komissäse xisabında.

XS
SM
MD
LG