Accessibility links

якшәмбе, 11 декабрь 2016, Казан вакыты 05:09

Konstitutsiä Mäxkämäse matbuğatqa quyılğan çikläwlärne ğämäldän çığardı: saylawlar turında irekle mäğlümät Kremlgä genäme faydalı bulaçaq?


Ütkän atnada Rusiä konstitutsion mäxkämäse saylaw aldı kampaniäsendä mätbuğatnı nıq çiklägän qanunnıñ bäxäsle öleşen ğämäldän çığardı.Mäxkämä qararı ğomumän alğanda xuplap qarşı alındı.Ber atna çaması barğan kampaniädän soñ küzätüçelär qarar irekle mätbuğatğa faydağa qarağanda zararmı kiterä digän soraw quya başladı.

Ütkän atnada konstitutsiä mäxkämäseneñ mätbuğatqa alda torğan parlament saylauların irekle räweştä yaqtırtu mömkinçelegen birüe, kampaniäne canladırıp cibäräçäk dip kötelde.Mätbuğat ireklegen yaqlawçılar häm opozitsiädäge säyäsätçelär mäxkämäneñ saylaw xoquqların yaqlaw qanunında, mätbuğatnı çiklägän öleşlären ğämäldän çığaruın bik zur entusiazm belän qarşı aldı.Uñ köçlär Berlege partiäse äzğası Duma deputatı Boris Nadejdin mäxkämä ruslarnıñ irekle mäğlümät alu turındağı töp xoquqın bozğan çikläwlärne köçtän çığardı . Nadejdin süzlärençä(audio) Ä opozitsiädäge Yabloko fraksiäse deputatı Sergei Popov bolay dip belderde( audio) Mäxkämäneñ 30nçe üktäberdäge qararı belän saylaw xoquqların yaqlaw qanunınnan , kiñ küläm mätbuğat çaraları saylaw aldı kampaniäsendä yalğız faktual informatsiä genä birä ala digän öleş köçtän çığarıldı..Annan elek ninider programma yäki basmada namzätnıñ nindider sälätlären maqtaw yäki fiker belderü yä isä kandidatlarnı tängäl yaqtırtmaw legal bulmağan kampaniä itep tamğalana ala ide.Qanunnıñ açıq anıq bulmawı, awır cazalarnıñ birelüe küp kenä jurnalistlarnı borçı ide. Çönki mätbuğat çaraları ike kisätüdän soñ saylaw aldı kamapaniäse waqıtı öçen tuqtatıla ala ide. Qanunnı täfsilläw kölkele xälgä kilep citkän ide. Mesälä namzätneñ biografiäsendä anıñ elek aktrisa buluı telgä alınğanı öçen basma tänqitlängän ide. Däwlät televidiniäse kanalları kreml yaqlı Duma kandidatların, xökümät räsmilären eş başında kürsätep üzläreneñ turıdan turı häm texnik yaqtan qarağanda legal bulmağan eşlärenä däwam itte. Ekstremal Jurnalizm Üzäge analitığı Mixael Melnik qaraşınça mäxkämä qararı jurnalistlarnıñ dikäber şulayuq mart saylawları turındağı söyläşülären qıyulandıraçaq. Melnik süzlärençä(audio) Şulay da Melnik qarar nigezdä keçkenä çığarma ğına bulıp tora, mätbuğat tulısınça xakimiätlär qaramağında ,parlament saylawların yaqtırtu bigräk tä tulısınça diärlek däwlät kontrolendäge televidiniädä ällä ni üzgäreşlärgä kiteräçäk dip kötmi analitik .Melnik xätta qarar bälkim dä Kreml öçen faydalı bulaçaq çönki jurnalistlar prezident yaqlı namzätlärne senzuradan qurıqmıy yaqtırtaçaq dip söyli. Atna azağında däwlät kontrolendağı ORT kanalında Kommunistlar partiäse belän eksildäge oligarh Boris Berezovski arasındağı nindider finas elemtäläre turında 5 minutlıq tapşıru buldı. Berezovski komunist saylawçılarnıñ in küp sükkän keşelärdän berse. Şunnan soñ Putin yaqlı Berdäm Russiä firqası öçen ike namzätneñ aktivlıqları turında film kürsätelde Ğädättän tış xällär ministırı Sergei Şoigu mäktäp şäkertenä uyınçıq ayu büläk itä ä eçkä eşlär minsitırı Boris Grizlov keçkenä bizenes sektorı buldırunıñ ähämiäte turında söylägändä töşerelgän ide. Ber atna elek bu tapşırularnıñ legal bulmağan kampaniä itep tamğalanuı mömkin ide. Berençesendä kommunistlar uñay kürsätelmäsä, ikençese informativ tügel . Xäzer şundıy närsälär kürsätelä ala.Ämma mäxkämä belä torıp qanunnı bozu digän qarar çığara alamı, Melnik ällä ni ixtimal kürmi. (audio) Kommunistlar partiäse citäkçse Gennadi Zyganov ORT programamsına tiskäre täsir digän protest belderde. Üzäk saylaw komisiäse citäkçese Aleksander Vişnyakov anıñ belän kileşe, konstitutsiä mäxkämäse qararında, obyektivlıq, töğällekneñ fundamental prinsıplarına xörmät itüneñ ähämiätenä basım yasalğan ide dip xäterlätte.

färidä xämit,praga
XS
SM
MD
LG