Accessibility links

җомга, 2 декабрь 2016, Казан вакыты 22:56

İran Milli İminlek Şurası başlığı Xalıqara Atom Energiäse Agentlığı citäkçese Möhammäd El Baradei belän oçraşaçaq


Berläşkän Millätlär Oyışması xäbärlärenä qarağanda İrannıñ milli iminlek şurası başlığı şimbä könne Avstriä başqalasında Xalıqara Atom Energiäse agentlığı citäkçese Möhammäd El Baradei belän oçraşaçaq. Kiçä genä, İran Berläşkän Millätlär inspektorlarına üzendäge atom programmasın aldan xäbär itmiçä tikşerergä röxsät birä digän xat äzer, ul tizdän oyışmağa tapşırılaçaq, dip xäbär itelgän ide. Şul xat xalıqara agentlıqqa şimbä oçraşuı waqıtında tapşırılırmı – busı bilgesez.

Xalıqara atom agentlığı, İranda atom qoralı citeşterelä digän ğayepläwlärne kire qağır öçen İrannı tikşerülär uzdırırğa mömkinlek birergä çaqırdı. İrannıñ atom programmasın tikşerer öçen Berläşkän Millätlär Oyışmasınıñ atom agentlığı noyabrneñ 20sendä cıyılaçaq.

XS
SM
MD
LG