Accessibility links

Кайнар хәбәр

Paqstan prezidentı Tönyaq Korea belän atom texnologiäläre mäs'äläsendä xezmättäşlegen kire qaqtı


Könyaq Koreada säfärdä bulğan Paqstan prezidentı Pärwäz Möşärräf, Paqstannıñ Tönyaq Koreağa atom töş qoral citeşterergä yardäm itüen kire qaqtı: " Texnologiälär tapşıru bulmadı. Monda cıyılğannarnı ışandırasım kilä – min ütkännärne dä tikşerdem – qoral taratuda yardäm itü bulmağan, iñ möhime – kiläçäktä ber nindi dä qoral cäyelderü, ber nindi dä texnologiälär tapşıru bulmayaçaq," dide Möşärräf.

Könyaq Koreanıñ mäğlümat çaralarına birgän äñgämäsendä, Möşärräf, Paqstannıñ Tönyaq belän xärbi xezmättäşlege häm kommunistik ildän raketalar satıp aluı tarixqa kerep qaldı, dip belderde.

Bügen Tönyaq Koreanıñ Üzäk Mäğlümat Agentlığı, tışqı eşlär ministrlığı süzlären kiterep, ägär dä, qısqaça KEDO dip yöretelgän, yağni Korea Yarım Utrawınıñ Energiä Üsterü Oyışması, Kumho awılında ike ciñel-su atom reaktorı tözeleşen kiçekterü turında qarar qabul itsä, KEDOğa kergän illär – Könyaq Korea, Yaponiä häm Yevropa Berlegeneñ cihazların Tönyaqtan çığarmıyaçağı belän yanadı. Bu atna başında KEDOnıñ New Yorkta uzğan utırışında Tönyaqta älege proektta eşlägän böten belgeçlärne annan çığaru turında qarar qabul itelgän ide.
XS
SM
MD
LG