Accessibility links

чәршәмбе, 7 декабрь 2016, Казан вакыты 13:47

İjawda borınğı muzıka belän qızıqsınuçılarnı zur festival' kötä


İjaw şähäreneñ muzıka uçilişçesında tınlı muzıka uyın qorallarında uynawçı yäşlär arasında regionara festival' bulıp utte. Festival'dä Rusiäneñ 17 şähärennän, şul isäptän, Qazan, Tübän Novgorod, Novosibirsk şähärlärennän bik küp talantlı yäşlär qatnaştı. Festival' çın—çınlap sänğät bäyrämenä äwerelde. Dürt köngä suzılğan konkurs qısalarında şulay uq master klass uzdırıldı, Votkinsk şähärendäge Çaykovskiy muzeyena ekskursiälär oyıştırıldı. Tatar xalqı — moñlı xalıq. Şuña da konkursqa näticä yasalğan isemlektä — tatar balalarınıñ küplege, möğayın, berkemne dä ğäcäpländermäde. Berniçäsen atap ta ütäm— Aynatullina Läysän, Timur Sayfullin, Nailä Sabiryanova, Änwär Gimaev häm başqalar.

Ä tizdän İjawda fin-uğır yäşläreneñ etnofuturizm muzıkal' festivale bulaçaq. Anıñ maqsatları xaqında kompozitor, muzıka belgeçe Marina Xodıreva bolay dide.

Audio

Un yıllap elek İjawda Marina Xodıreva häm tağın berniçä keşe, aları xättä udmurt milläte wäkilläre dä tügel, respublikanıñ tönyağında yäşäwçe udmurt, besermän cırları tuplanğan taba-plastinka çığardı, soñraq başqa töbäklärdän cıyılğan fol'klor cırları belän tulılandırılğan tağın ike taba häm zamanğa yaraqlaştırılğan lazer diskta dönya kürde.

Marina Xodıreva belderüençä, bu icadi törkemneñ respublikada yäşäwçe başqa xalıqlarnıñ borınğı cırların yazdırıp, alarnı da xalıqqa täqdim itärgä niätläre bar.

Xämidä Ğayfullina, Udmurtiä.

XS
SM
MD
LG