Accessibility links

Кайнар хәбәр

Berlusconi fikere – Yevropa fikere tügel


Rusiä prezidentı Vladimir Putin bügen Parijda Fransiä prezidentı Jak Şirak belän oçraştı. Putin Parijğa Rimnan kilde. Kiçä anda Rusiä-Yevropa Berlege sammitı ütte. Yevropa Berlege Rusiäneñ kiläse yıl axırında Dönya Säwdä Oyışmasına kerü niäten xupladı. Ämmä, Çeçnya häm Yukos kompaniäse tiräsendäge xällär sammit waqıtında qarañğı şäwlä bulıp tordı.

Bügen Yevropa Komissiäse, İtalia premier-ministrı Silvio Berlusconinıñ kiçä Rusiädäge xällär turında äytkän süzlärenä rizasızlıq belderde. Xäzerge waqıtta Yevropa Berlegendä räislek itkän İtalia citäkçese, Mäskäwneñ Çeçnya häm Yukos mäsäläsendä säyäsäten yaqlap çıqtı. Berlusconi, Yevropa mäglümät çaraların Çeçnya turında "äkiät söyläwdä" ğäyepläde.

Yevropa Komissiäse bügen maxsus belderü yasap, bu süzlärne Berlusconinıñ "şäxsi fikere" dip atadı. Komissiä wäkile Reijo Kemppinen süzlärençä, Yevropa Komissiäse Berlusconinıñ Çeçnyağa qarata da, Yukos tiräsendäge xällärgä qarata da fikerlären uqrtaqlaşmıy.
XS
SM
MD
LG