Accessibility links

якшәмбе, 11 декабрь 2016, Казан вакыты 03:13

Görciä demokratları saylaw näticälären tanımıy


Görciä Parlamentı räise Nino Burjanadze, anıñ Demokratiä Bloğı uzğan yäkşämbe ütkän saylaw näticälären tanımayaçaq, protest yözennän parlament eşenä baykot iğlan itäçäk, dip belderde:

Audio (Nino Burjanadze)

"Bez ber tawıştan 2 noyäber saylaw näticälären tanımasqa qarar ittek. Bu saylawlar xärämläşü buldı, bez prezident tarafınnan bilgelängän parlamentta eşlärgä cıyınmıybız. Bez köräşne däwam itäçäkbez, Ğörciä xalqınıñ yaxşıraq kiläçäkkä xoquqı bar."

Soñğı näticälärgä qarağanda berençe urınğa 21 protsent belän Demokratik Yañarış Berlege çıqqan. İkençe urında 20 protsent cıyğan prezident taraflı "Yaña Görciä" partiäse. Opozitsiädäge Milli Xäräkät 18-yarım protsent belän 3nçe urında. 4nçe urında 11.7 protsent belän Xezmät partiäse. Nino Burjanadze blogı 7.6 protsent cıyıp, 7 protsentlı kirtäne köç xäl belän ütkän.

Bügen Zugdidi şähärendä Milli Xäräkät ütkärgän miting waqıtında, bitlek kigän bilgesez keşelär mitingnı tuqtatu maqsatı belän hawağa ut açqan. Ber xatın-qız yaralanğan dip xäbär itelä. Utnı kem açqanı älegä bilgesez. Alar elekke prezident Zviad Gamsaxurdia keşeläre bulırğa mömkin digän xäbärlär bar.

XS
SM
MD
LG