Accessibility links

шимбә, 10 декабрь 2016, Казан вакыты 14:01

Tähran Bush çığışına açulı cawap qaytardı


Amerikan prezidentı George Bushnıñ, bar dönyada demokratiä uranşıtırırğa çaqırğan çığışına, räsmi Tähran açulı cawap qaytardı. Kiçä Bush üzeneñ tışqı säyäsätkä bağışlanğan çığışnda, Yaqın könçığış citäkçelären demokratiägä çaqırdı, İslamnıñ demokratiägä qarşı bulmawın äytte:

Audio (George Bush)

''Keşeçelekneñ 5-tän bere totqan İslam dine demokartiägä qarşı kilmi. Küp kenä möselman illärdä demokratik täräqqiät küzätelä: Törkiä, İndonesia, Senegal, Albania, Nigeriä, Sierra Leoneda. Möselmannar Hindstan, Könyaq Afrika, Könbatış Yevropa, Quşma Ştatlarda yaxşı watandaş bulıp tora."

İrannıñ Tışqı eşlär ministrlığı belderüendä äytelgänçä, Quşma Ştatlarnıñ, dönya buylap demokratik xäräkätlärgä qarşı toruın iskä alsañ, Bushnı bu mäsälädä yaxşı söyläwçe dip atap bulmıy. İrannıñ räsmi İRNA agentlığı, Ministrlıq wäkile Xämid-Teza Asefinıñ, Bush äfändene berkem dä bezneñ xoquqlarnı yaqlarğa soramdı, digän süzlären kiterä.

Yaqın könçığışnıñ başqa xökümätläre älegä cawap bitmäde. Comğa könne bu töbäktä gäzitlärneñ kübese yal itä. Alayda qayber basmalar Bushnıñ çığışına tänqit belderde. Livannıñ abruylı "'An-Nahar" gäzite, ğämäli adımnar bulmıy torıp, Bushnıñ çığışı – qorı süz, dip yaza. Jordaniäneñ räsmi "Äl-Rai" gäzite, xäzer Bush administratsiäse süzlären ğämälgä quyarğa tieş, dip yaza. İran häm Süriä basmaları Bushnıñ çığışın telgä almadı. Ğäräp Ligası general sekretare Amr Mussa, çittän tağılmaw şartı belän, üzgäreşlärgä xuplaw belderde.

XS
SM
MD
LG