Accessibility links

пәнҗешәмбе, 8 декабрь 2016, Казан вакыты 17:15

Görciädä "wazğiät kontroldän çığıp bara"


Görciädä opozitsiä belän xakimiät arasında qarşılıq däwam itä. Saqlanu ministrı David Tevzadze, cirle televideniegä "wazğiät kontroldän çığıp bara" dip belderde. Qarşılıq däwam itsä, xärbilärneñ ğämäle nindi bulaçaq, digän sorawğa ul, alar Konstitutsiä nigezendä xäräkät itäçäk, dide. Opozitsiä uzğan atna ütkän parlament saylawları näticälären falsifikatsiä dip sanıy, häm prezident Eduard Şevardnadzenı urınınnan kitergä çaqıra. Tbilisida atna buyı meñlägän mitinglar uza. 300-läp protest belderüçe uzğan tönne Parlament binası yanında ütkäre. Bügen kötmägändä alar yanına Şevardnadze çıqıtı. Mäsäläne uramda xäl itep bulmıy, dip ul opozitsiä citäkçelären açıqtan-açıq söyläşergä çaqırdı. Protest belderüçelär aña kimsetkän süzlär belän çawap birde, "Satlıqcan, urınıñnan kit!" dip qıçqırdı:

Audio (protest belderüçelär)

Soñraq Şevarnadze urınınnan kitmiäçägen belderde. Üzäk saylaw komissiäse belderüençä, räsmi näticälär noyäberneñ 20-sendä iğlan iteläçäk. Älegä alda 21 protsent belän prezident taraflı "Yaña Görciä" partiäse bara. Opozitsiädäge "Yañarış" 19-yarım protsent belän ikençe urında.

XS
SM
MD
LG