Accessibility links

чәршәмбе, 7 декабрь 2016, Казан вакыты 15:32

Gruziädä wazğiät kierenke bulıp qala birä


Ütkän atna azağında Gruziädä ütkärelgän parlament saylawlarınıñ näticälärenä protest beldergän demonstratsiälär dewam itä. İlneñ üzäk saylaw komissiäse tawış birü waqıtındağı xärämläşülär säbäple saylaw okruglarınıñ 10%da ,16nçe noyäberdä saylawlar yañadan ütkäreläçäk dip belderde.Prezident Şevernadzeneñ opozitsiä citäkçeläre belän oçraşuı näticäsez buldı.

2. noyäberdä ütkärelgän parlament saylawları näticälärenä qarata ike kön aralıqsız däwam itkän demonstratsiälär häm saqlanu ministırınıñ wazğiät kontroldän ıçqındı dip belderüennän soñ, prezident Eduard Şevernadze yäkşämbe kiç arta barğan kierenkelekne sülpänäytü ömedendä opozitsiä citäkçeläre belän oçraştı.Şimbädän başlap parlament aldında cıyılğan demonstratsiäçelär şimbä tönen dä parlament aldında ütkärde, yäkşämbe irtän prezident Şevernadze (audio) Yudas, urınınnna kit , cir yözennän yuğal kebek şiğarlar qıçqırğan demonstrantlar aldına çığıp opozitsiä citäkçeläre belän söyläşüne täqdim itte, ämma çigenü taläplären kire qağıp, här närsäne cimeräçäk keşelärneñ xakimiätkä kilüenä röxsät itä almim digän. Üzäk saylaw komissiäse belderüenä qarağanda Şeverandzeneñ Yaña Gruziä partiäse birelgän tawışlarnıñ 21% alıp in alda tora. Yañarış Berlege ul yış qına möhim mäsälälärdä xökümät belän bergäläp eşli 19% Şevernadzegä qarşı bulğan Mixael Saakaşvili citäklägän Milli Xaräkät birelgän tawışlarnıñ 19%ın alğan. Parlament citäkçese Nino Burdjanadze Demokratları 7%tan kübräk tawış alıp parlamentqa kerä. Üzäk saylaw komissiäse düşämbedä , saylawlar waqıtında poseduranı bozu küreneşläre buldı ,yaqınça 10saylaw okrugında kiläse atnada yaña saylawlar ütkäreläçäk dip belderde. Ämma bu keçkenä sañ sonğı çiktä Şevernadze häm taraftarların xärämläşüdä ğäyepläwçe opozitsiä säyäsätçelären häm demonstratlarnı tınıçlandırır dip kötelmi. Opozitsiä citäkçese Sakaşvili kiçä kiç Tiblisidä prezident belän oçraşqannnan soñ bolay dide(audio) ike säğät däwam itkän näticäsez söyläşülärdän soñ min cıyılışnı taşlap taraftarlarım yanına qaytıp alarğa qızğanıç ki prezident kompromisqa äzer tügel , ul bulğan eşlär öçen cawaplılıqnı üz östenä almıy. bez Gruziädä demokratiä öçen tınıç köräşkä däwam itäçäkbez dip äytäçäkmem . Tiblisidä urnaşqan tınıçlıq , täräqiät häm Demokratiä öçen İnstitutıt direktorı säyäsi analitik Ghia Nodia süzlärençä (audio) minemçä bez parçalanğan,buldıqsız parlamentqa iä bulaçaqbız. Opozitsiä citäklägän ,çın programı bulğan parlament bulır dip uylamim.Ämma bu hiç bulmağanda anti demokratik köçlärneñ östenlek itüen tuqtaçaq. Tawış bülletennäerneñ aqrın sanaluı Waşingtonnıñ Şevernadze xökümäten şeltälävenä säbäp buldı. Bilgele bulğança prezident Russiä täsiren kimetü öçen AQŞ belän yaqın elemtälär urnaştırdı. Tblistäge amerikan ilçelege 2noyaber saylawalarınıñ naçar oyıştırıluı, xarämläşülär Gruziä watandaşların konstitusion xoquqtan , tawış birüdän mäxrüm itte digän belderü yasadı. Xabärlärgä qarağanda 2meñ çaması demonstrant parlament aldında , alar prezident saylaw näticälären köçtän çığarğançı häm çigengänçe monnan kitmiäçäkbez dip beldergän. Könbatış neft şirkätläre konsortiumı Kaspi dingeze neften Tblisi aşa Törkiägä kiterergä qarar birgännän soñ Gruziäneñ geopolitik ähämiäte arttı. 2005nçe yılda tämamlanırğa tieşle proyekt öçen politik stabillıq alşart bulıp tora.

färidä xämit,praga
XS
SM
MD
LG