AQŞ däwlät sekretare urınbasarı Richard Armitage yaña fälestin xökümäte tözelü belän Yaqın Könçığışta tınıçlıq urnaştıru eşe yañarırğa mömkin dip belderde.
Qahirädä Mısır prezidentı Xösni Möbäräk belän oçraşudan soñ Armitage Quşma Ştatlar yaña fälestin citäkçelege İzrail' xökümäte belän söyläşerdäy partner bulir dip ömetlänä dide.
Kiçä Fälestin premyer-ministrı Äxmät Qurai xökümät äğzaların iğlan itte. Fälestin parlamentı alarnı raslaw mäs'äläsen çärşämbe tawışqa quya.
İzrail' xökümäte iminlek köçläreneñ Fälestin citäkçese Yassir Arafat qaramağında qaluına rizasızlıq beldersä dä, Qurai belän eşläwdän baş tartaçağın äytmäde.
Yaqın Könçığışta oçraşular ütkärüçe Armitage Möbäräk belän Fälestin däwläten niçek itep oyıştıru turında söyläştek dide.
